У султана Брунея каля 7000 аўтамабіляў за 5 мільярдаў даляраў пыляцца ў сховішчах
Султан Брунея Хасанал Балкіях лічыцца ўладальнікам адной з найбуйнейшых аўтамабільных калекцый у свеце. Паводле розных ацэнак, яна налічвае каля 7000 машын агульным коштам прыкладна 5 мільярдаў даляраў, піша supercarblondie.com.
У калекцыі ёсць не толькі серыйныя мадэлі, але і ўнікальныя аўтамабілі, створаныя спецыяльна па індывідуальных заказах султана. Акрамя таго, Хасанал Балкіях з'яўляецца ўладальнікам самай вялікай у свеце пацверджанай калекцыі аўтамабіляў Rolls-Royce — больш за 600 машын, што занесена ў Кнігу рэкордаў Гінэса.
Аднак значная частка гэтай калекцыі ўжо шмат гадоў знаходзіцца ў закрытых ангарах і практычна не выкарыстоўваецца. Некалькі гадоў таму ў інтэрнэце з'явіліся фотаздымкі сховішчаў, якія паказалі, што многія аўтамабілі пакрытыя пылам і, верагодна, доўгі час не абслугоўваліся.
Паводле розных паведамленняў, султан валодае адразу некалькімі экземплярамі многіх рэдкіх мадэляў. У яго ёсць як мінімум восем Ferrari F40, калекцыя Porsche 959 розных колераў, чатыры Bugatti EB110, а таксама ад васьмі да адзінаццаці McLaren F1 — у залежнасці ад крыніцы інфармацыі.
Таксама калекцыя ўключае 361 Bentley, сярод якіх усе шэсць пазадарожнікаў Bentley Dominator, створаных выключна для султана. Акрамя гэтага, у яго ёсць шэсць Ferrari Enzo, пяць Ferrari FX, восем Jaguar XJ220 і пяць Ferrari F90.
Асобнае месца займаюць эксклюзіўныя аўтамабілі, якіх не існуе ў іншых уладальнікаў. Напрыклад, адзін з Ferrari F90 быў таемна распрацаваны дызайнерам Pininfarina Энрыка Фумія спецыяльна для султана.
Большасць аўтамабіляў у калекцыі маюць індывідуальныя мадыфікацыі, а многія былі вырабленыя ў адзіным экзэмпляры.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Приходит новый русский в автосалон и говорит продавцу:
— Мне вот тут машина нужна, обязательно шестисотый «Мерседес», чтоб у него сиденья из динозавровой кожи были, чтоб сам он был зелёного цвета в жёлтый горошек.
— Да, есть у нас такой, но только мы точно такую же машину вам уже на прошлой неделе продали.
— Ну, у той уже пепельница засорилась.