Упаўнаважанага па справах рэлігій і нацыянальнасцяў падпарадкавалі непасрэдна Лукашэнку
Аляксандр Лукашэнка падпісаў закон, які змяняе статус упаўнаважанага па справах рэлігій і нацыянальнасцяў. Цяпер агульнае кіраўніцтва дзейнасцю гэтай дзяржаўнай структуры пераходзіць ад Савета Міністраў да адміністрацыі Лукашэнкі.
Згодна з новым законам, упаўнаважаны будзе прызначацца Аляксандрам Лукашэнкам і знаходзіцца ў яго непасрэдным падпарадкаванні.
У прэс-службе палітыка адзначылі, што такая змена павінна пашырыць магчымасці для аператыўнага ўзаемадзеяння і больш хуткага вырашэння пытанняў, якія ўваходзяць у кампетэнцыю ўпаўнаважанага.
Асобна падкрэсліваецца, што сувязі з замежнымі рэлігійнымі цэнтрамі, якія прадстаўляюць вядучыя сусветныя канфесіі, нярэдка закранаюць пытанні знешняй палітыкі і нацыянальнай бяспекі. Непасрэднае ж падпарадкаванне апарату ўпаўнаважанага Лукашэнку дазволіць зрабіць каардынацыю працы па гэтых напрамках больш эфектыўнай.
Адначасова з законам быў падпісаны і ўказ, які зацвярджае новае палажэнне аб упаўнаважаным па справах рэлігій і нацыянальнасцяў.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары