На Гомельшчыне будзе спякотна да +31°C. ДАІ выступіла з рэкамендацыямі.
Паводле інфармацыі Белгідрамета, сёння на большай частцы тэрыторыі краіны чакаюцца навальніцы, месцамі — моцныя ліўні. На паўднёвым усходзе максімальная тэмпература паветра дасягне +31°C.
Перапады атмасфернага ціску і спёка неспрыяльна ўплываюць на самаадчуванне: значна зніжаецца канцэнтрацыя ўвагі, запавольваецца рэакцыя, магчымыя млявасць, дрымотнасць і галавакружэнне. Гэта павышае рызыку ДТЗ, папярэджвае ДАІ.
ДАІ настойліва рэкамендуе кіроўцам кантраляваць сваё самаадчуванне. Метэазалежным людзям і тым, хто пакутуе на сардэчна-сасудзістыя захворванні, варта адмовіцца ад паездак, якія не выкліканы крайняй неабходнасцю. Нават здаровым людзям не рэкамендуецца працяглы час знаходзіцца за рулём. У дарогу неабходна браць пітную ваду і патрэбныя лекі.
Пешаходам рэкамендуецца пазбягаць знаходжання на дварэ ў перыяд найбольшай сонечнай актыўнасці, насіць галаўны ўбор і сонцаахоўныя акуляры. Маршрут лепш пракладваць праз паркі або па цяністым баку вуліц.
Падчас навальніцы і залевы кіроўцам неабходна знізіць хуткасць, павялічыць дыстанцыю і ўключыць блізкае святло фар. Калі бачнасць пагаршаецца да нуля, трэба ўключыць аварыйную сігналізацыю, асцярожна з'ехаць на ўзбочыну і перачакаць непагадзь.
Рэкамендуецца не пакідаць аўтамабіль пад дрэвамі, рэкламнымі шчытамі, слаба замацаванымі канструкцыямі або ў нізінах, дзе хутка назапашваецца вада. Калі аўтамабіль імкліва затапляе, неадкладна пакінуць яго і ратавацца.
Пешаходам падчас навальніцы неабходна трымацца далей ад адзінока стаячых дрэў, ліній электраперадачы і высокіх металічных канструкцый. Пераходзіць дарогу варта толькі пасля таго, як пераканаецеся, што кіроўцы вас заўважылі і паспяваюць спыніцца.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары