Групоўка пагадзілася на поўнае раззбраенне, заявіў прэзідэнт ЗША.
Рада міру і ХАМАС дасягнулі «гістарычнага пагаднення», паводле якога групоўка пагадзілася на поўнае раззбраенне.Пра гэта прэзідэнт ЗША напісаў у сацыяльнай сетцы Truth Social.
Згодна з пагадненнем, раззброіцца павінны таксама ўсе іншыя ўзброеныя групоўкі ў Газе. «Гэта манументальны крок да трывалага міру і бяспекі», — падкрэсліў ён.
Трамп дадаў, што пагадненне дазволіць Газе кіравацца новым палесцінскім урадам у супрацоўніцтве з Радай міру, а Ізраіль атрымае бяспеку, «якую ён заслугоўвае», паколькі анклаў больш не будзе базай для тэрарыстычных нападаў.
Прэзідэнт ЗША назваў здзелку найважнейшай вяхой у рэалізацыі свайго плана з 20 пунктаў і падкрэсліў, што па меры раззбраення ізраільскія войскі будуць адыходзіць, а міжнародныя сілы па стабілізацыі разам з новай палесцінскай паліцыяй будуць забяспечваць бяспеку ў Газе.
Трамп таксама падзякаваў пасярэднікам — Егіпту, Катару і Турцыі — за садзейнічанне, заявіўшы: «Пагроза, якая ўзнікла з боку Газы 7 кастрычніка, не зможа адрадзіцца».
«Віншую ўсіх з гэтым неверагодным дасягненнем, якога, як усе казалі, ніколі не ўдалося б дасягнуць!» — заключыў ён.
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары