У Талачынскім раёне машыніст экскаватара загінуў у тарфяным кар'еры
У пачатку жніўня ў Талачынскім раёне адбылася трагедыя на вытворчасці. Машыніст экскаватара працаваў у кар’еры, дзе праводзілася работы па нарыхтоўцы торфу, паведамляе Дзяржаўны камітэт судовых экспертыз.
Фота: Дзяржаўны камітэт судовых экспертыз
Падчас працы тэхніка з’ехала ў кювет і перакулілася. У выніку асобныя часткі экскаватара прыціснулі рабочага. Мужчына атрымаў смяротныя траўмы і загінуў на месцы.
Каб дакладна ўстанавіць прычыну смерці, была прызначаная судова-медыцынская экспертыза. Яна паказала, што мужчына памёр ад механічнай асфіксіі — удушэння, якое адбылося ў выніку моцнага сціскання грудной клеткі і жывата.
Каментары