Пажар адбыўся 15 жніўня каля вёскі Шаматова. У МНС паступіла паведамленне пра ўзгаранне саломы ў полі, паведамляе Следчы камітэт.
Фота: Следчы камітэт
Паводле папярэдніх звестак, 9‑гадовы хлопчык у полі знайшоў пачак запалак. Ён пайшоў у бок поля і падпаліў скірду саломы. Агонь хутка распаўсюдзіўся. Калі самастойна патушыць пажар не атрымалася, хлопчык уцёк і не паведаміў дарослым пра здарэнне.
У выніку згарэла каля 450 тон саломы, якая належала мясцовай сельскагаспадарчай арганізацыі. Памер матэрыяльнай шкоды склаў больш за 12 тысяч рублёў.
Усе абставіны здарэння цяпер высвятляюцца.
Хлопчык яшчэ не дасягнуў узросту, з якога наступае крымінальная адказнасць, таму матэрыяльную шкоду ў поўным аб'ёме павінны будуць кампенсаваць яго бацькі.
Каментары
Адкуль тады следчы камітэт даведаўся?