Да «Дажынак» у Беларусі зрабілі гіганцкую фігуру жанчыны з саломы
Нескладана здагадацца, што натхніла стваральнікаў.
Штогод сельскагаспадарчыя прадпрыемствы Беларусі напярэдадні «Дажынак» ствараюць на палях уздоўж дарог арт-аб’екты з саломы. Сёлета сярод традыцыйных замкаў ды парсюкоў з’явіўся і небанальны варыянт — скульптура жанчыны.
Саламяная прыгажуня сядзіць на крэсле, яе «валасы» заплеценыя ў касу і ўпрыгожаныя чырвона-зялёнымі стужкамі, а на галаве вянок. Стварылі скульптуру супрацоўнікі «Агракамбіната Сноў».
Прысвечана яна лукашэнкаўскаму Году беларускай жанчыны. Відэа з саламянай скульптурай ужо завірусілася і набрала за суткі больш за 200 тысяч праглядаў і каля 10,5 тысячы лайкаў.
Шмат хто з каментатараў у захапленні: «Сапраўдны твор мастацтва! Якія малайцы!», «Прыкольна! Новы від мастацтва ў Беларусі!», «Таленавіты народ Беларусі! І тэматыка наша, родная! Брава выканаўцам!».
Ёсць, канешне, і крытыкі, якія тактоўна пытаюцца, ці фінальны гэта варыянт. Не абышлося без каментароў у стылі гумарыстычнага пабліка «Советская Белоруссия»: «Лукашэнка малайчына!».
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос7
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары
гэта наша Зеўс