Міністэрства антыманапольнага рэгулявання і гандлю выявіла факты продажу забароненай уладамі прадукцыі ў гандлёва-забаўляльным цэнтры «Экспабел». Праверку, як паведамляецца, правялі пасля зваротаў наведвальнікаў у інтэрнэце.
Спецыялісты галоўнага ўпраўлення Мінгандлю па Мінскай вобласці знайшлі ў некалькіх гандлёвых аб’ектах парушэнні патрабаванняў пастаноў, якія забараняюць рэалізацыю асобных катэгорый тавараў.
У прыватнасці, у продажы знаходзілася прадукцыя брэнду Nivea, а таксама шакалад і кандытарскія вырабы польскай вытворчасці.
Сярод парушальнікаў — некалькі індывідуальных прадпрымальнікаў і прыватнае прадпрыемства «Сэрвіс-рай». Раней гэта прадпрыемства ўжо прыцягвалася да адказнасці: у лютым 2026 года ў яго з продажу знялі 63 адзінкі забароненых тавараў.
Падчас цяперашняй праверкі агулам знайшлі 127 адзінак забароненай прадукцыі на суму больш за 2000 рублёў.
Паведамляецца, што ў дачыненні да суб’ектаў гаспадарання будуць прынятыя меры адміністрацыйнай адказнасці.
Упершыню забарону прадукцыі брэнда Nivea ў Беларусі ўвялі вясной 2021 года — тады Савет міністраў прыняў адпаведную пастанову №240 ад 23 красавіка. Забарона ўвозу ў краіну тавараў груп кампаній Liqui Moly, Škoda Auto і Beiersdorf (яна акурат і выпускае Nivea) была звязаная з іх адмовай спансіраваць адменены ў Беларусі чэмпіянат свету па хакеі. Пасля таго беларускія ўлады яшчэ не раз забаранялі новыя групы заходніх тавараў у рамках сваіх контрсанкцый.
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары
Правда,Белита не сильна хуже за дешевле.
Мажу тока руки,если чо.
Что у галавах у гэтых наведвальнікаў ?