Намесніца міністра антыманапольнага рэгулявання і гандлю Беларусі Святлана Караткевіч паведаміла, што ў жніўні і верасні можа падаражэць мука першага і вышэйшага гатункаў. Паводле інфармацыі «Белдзяржхарчпрама», рост цэн можа скласці ад 6% да 51,6%, піша расійскае выданне Sputnik.
Сярод прадпрыемстваў, якія збіраюцца павышаць цэны, згадваюцца, у прыватнасці, Мінскі, Клімавіцкі і Гомельскі камбінаты хлебапрадуктаў.
У Мінгандлю нагадалі, што ў Беларусі працягвае дзейнічаць пастанова №713 аб дзяржаўным рэгуляванні цэн. Ведамства паабяцала праверыць інфармацыю, а калі яна пацвердзіцца, прыняць меры ў адпаведнасці з заканадаўствам.
Караткевіч падкрэсліла, што прынцып справядлівай цаны распаўсюджваецца не толькі на гандаль, але і на вытворцаў. Паводле яе, неабгрунтаванае павышэнне кошту сыравіны ў выніку адбіваецца на канчатковай цане прадуктаў для спажыўцоў. Яна таксама заклікала вытворцаў і гандаль не імкнуцца атрымаць кароткатэрміновую выгаду за кошт павышэння цэн.
Каментары
[Зрэдагавана]