Да вёскі пад Гроднам прыбілася знясіленае казуляня. У заапарку паказалі, што з ім цяпер ВІДЭА
Два з паловай месяцы таму ў адной з вёсак Гродзенскага раёна знайшлі маленькае бездапаможнае казуляня. Яго перадалі ў Гродзенскі заапарк, і цяпер яго супрацоўнікі паказалі відэа свайго маленькага падапечнага, які за апошнія месяцы прыкметна падрос і набраўся сіл.
Казуляня трапіла ў заапарк каля двух з паловай месяцаў таму. Жыхары вёскі знайшлі яго аднаго і моцна знясіленага. Спачатку людзі не сталі забіраць малое, чакаючы, што за ім вернецца маці. Але гэтага не адбылося, таму пра знаходку паведамілі спецыялістам інспекцыі прыродных рэсурсаў і аховы навакольнага асяроддзя.
У заапарку ў жывёлы дыягнаставалі моцнае знясіленне і дыстрафію, а таксама выявілі вялікую колькасць кляшчоў — спецыялісты знялі з казуляняці больш за 100 паразітаў.
З-за атрафіі мышцаў ногі малога выварочваліся, а самі канечнасці былі вельмі тонкімі. Таму яму далі мянушку Пруцік.
Ветэрынары штодня сачылі за станам казуляняці і распрацавалі для яго індывідуальную праграму аднаўлення. Малому правялі курс вітамінаў, амінакіслот і мінералаў.
Цяпер Пруцік значна падрос і стаў мацнейшым. Казуляня ўпэўнена стаіць на нагах і мае добры апетыт. Але спецыялісты працягваюць яго рэабілітацыю.
На беларускіх трасах штучны інтэлект пачаў шукаць ласёў. Як гэта працуе?
У Чэхіі паліцыянты выехалі ратаваць параненую казулю. З гэтага выйшаў адзін смех
На паляванні пад Гроднам егер застрэліў паляўнічага
Казулю забралі на лячэнне, яка адсялілі ў асобны вальер. Што змянілася ў «Дукорскім маёнтку» пасля скандалу
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна3
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
Каментары