Арэнда жылля ў Беларусі для турыстаў за год падаражэла. Найбольш — у Нясвіжы
У Гродне цэны выраслі на 6%, а ў Мінску — на 4%.
Арэнда жылля ў Беларусі для турыстаў за год падаражэла на 4% — у сярэднім да 180 рублёў за суткі. Такую статыстыку дае расійскі сэрвіс анлайн-рэзервавання жылля «Суточно.ру».
Па інфармацыі сэрвісу, у Мінску арандаваць жыллё можна ў сярэднім за 192 беларускія рублі за суткі, у Гродне — за 171 рубель, у Нясвіжы — за 168 рублёў, у Брэсце — за 164 рублі, у Полацку — за 155 рублёў, у Лідзе — за 143 рублі, у Магілёве і Віцебску — за 141 рубель, у Пінску — за 140 рублёў, у Гомелі — за 138 рублёў, піша ТАСС.
Па даных аналітыкаў, мацней за ўсё за год цана арэнды вырасла ў Нясвіжы — на 13%. У Полацку прырост склаў 8%, у Гродне і Пінску — 6%, у Мінску і Гомелі — 4%, у Брэсце — 3%. У Лідзе і Магілёве цэны, наадварот, знізіліся — на 18 і 2% адпаведна.
Сярэдні кошт арэнды жылля каля Нарачы — 207 рублёў за дзень, каля Браслаўскіх азёр — 203 рублі.
Цяпер чытаюць
Вядучы СТБ Раман Пратасевіч пабраўся шлюбам трэцім разам5
Каментары