Сярод прэм'ер — «Сэрца на далоні» і «Прынцэса тусоўкі».
Мастацкі кіраўнік Купалаўскага тэатра Дзмітрый Акімаў расказаў «Мінск-Навінам», што чакаць на сцэне ў новым сезоне.
У планах падрыхтоўка васьмі пастановак.
У гонар юбілею Івана Шамякіна паставяць яго раман «Сэрца на далоні». Прэм'ера 7—8 кастрычніка.
Рэжысёр Ілья Крук разам з Вікторыяй Клеўка выпусцяць спектакль па яе новым рамане «Мая першая Ева».
Для падлеткавай аўдыторыі ў снежні плануецца прэм'ера па рамане Яўгена Хвалея «Прынцэса тусоўкі». А для самых маленькіх гледачоў і іх бацькоў рыхтуецца спектакль пад рабочай назвай «Завіруха», які будзе ўключаць у сябе чатыры казкі беларускага фальклору.
27 сакавіка 2027 года да Дня тэатра адбудзецца прэм'ера па п'есе Мальера ў перакладзе беларускага класіка.
«У бліжэйшы час плануем запусціць праект, прымеркаваны да юбілею Янкі Купалы, які чакае нас у наступным годзе. Хутка аб'явім конкурс-лабараторыю па напісанні п'ес пра біяграфію класіка. Ён будзе праводзіцца сумесна з Дзяржаўным літаратурным музеем Янкі Купалы і Цэнтрам беларускай драматургіі. Гэта можа быць і мастацкі погляд на біяграфію аўтара, і дакументальны, можа прысутнічаць элемент баёпіка або фанфіка, усё што заўгодна. Некалькі п'ес атрымаюць прызы, а Гран-пры — гэта пастаноўка спектакля да юбілею аўтара», — расказаў Акімаў.
Нядаўна прайшоў творчы праект «Купала. Лабараторыя». Па выніках было прынята рашэнне паставіць на малой сцэне эскіз Андрэя Шляпіна па п'есе «Мудрамер».
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй46
Каментары
Было б не блага схадзіць і ацаніць.