У Грэнландыі і Антарктыдзе паскорылася раставанне лёду: занадта цёплая вада
Грэнландыя і Антарктыда ў перыяд з 1979 па 2023 год страцілі каля 12,5 трыльёна тон лёду. Гэта прывяло да павышэння ўзроўню Сусветнага акіяна прыкладна на 3,1 сантыметра. Такой колькасці лёду хапіла б, каб пакрыць усю кантынентальную частку ЗША пластом таўшчынёй каля 1,5 метра, піша Bild.
Як паведамляе CNN Brazil, даследчыкі прааналізавалі 44 гады спадарожнікавых назіранняў, аб'яднаўшы вынікі 45 незалежных даследаванняў, у якіх выкарыстоўваліся даныя 27 спадарожнікаў, у тым ліку місій NASA.
Паводле атрыманых вынікаў, каля пяці шостых страты ледзяной масы звязана не з пацяпленнем паветра, а з больш цёплай марской вадой. Яна ўздзейнічае на ледавікі збоку і знізу, паскараючы іх разбурэнне.
У 1970—1990‑х гадах ледзяныя шчыты Грэнландыі і Антарктыды заставаліся адносна стабільнымі. Аднак у 2010‑х гадах тэмпы страты лёду рэзка ўзраслі. У 2020—2023 гадах назіралася пэўная стабілізацыя, але навукоўцы лічаць, што яна можа быць звязаная з кароткатэрміновымі кліматычнымі ваганнямі і не сведчыць пра змяненне доўгатэрміновай тэндэнцыі.
Пры гэтым Антарктыда нядаўна нечакана павялічыла сваю ледзяную масу. З ліпеня 2021 года па красавік 2023 года кантынент атрымаў каля 695 мільярдаў тон лёду. Гэта адбылося праз экстрэмальна моцныя снегапады ва Усходняй Антарктыдзе.
Аднак Заходняя Антарктыда працягвала страчваць лёд. У сярэднім у 2003—2024 гадах Антарктыда траціла каля 140,5 мільярда тон лёду штогод.
Азонавая дзірка над Антарктыкай стала адной з найменшых за апошнія дзесяцігоддзі
На Зямлі зафіксавалі самую нізкую тэмпературу за апошнія 14 гадоў
Навукоўцы: азонавы слой пачаў разбурацца яшчэ да эпохі фрэонаў
Антарктыда растае хутчэй, чым лічылі навукоўцы
Імператарскага пінгвіна і антарктычнага марскога коціка прызналі відамі пад пагрозай знікнення
Памілаваныя 15 чалавек, сярод якіх 13 палітвязняў15
Каментары