«Ёсць сцэнар вельмі песімістычны. Усе плюнуць на Беларусь, і на нейкі не вельмі вялікі, але трагічны час Беларусь стане сапраўды часткай «рускага міру», — кажа экс-банкір і экс-прэтэндэнт у прэзідэнты.
Палітык і былы палітвязень Віктар Бабарыка 31 кастрычніка ўзяў удзел у літаратурным фестывалі Pradmova у Празе, на фестывалі была прэзентаваная кніга Сабіны Брыло «Справа Віктара Бабарыкі». Падчас прэзентацыі Бабарыка адказаў на пытанне «Белсата» пра палітычную будучыню Беларусі.
Віктар Бабарыка заявіў, што і ў 2020 годзе не было «злоснай матывацыі: маўляў, прыйшоў час кагосьці зрынуць». Паводле яго, матывацыя «была іншая», прынамсі сярод яго знаёмых.
«Яна ішла з усведамлення, што мы ўжо дастаткова самастойныя, мы настолькі ўжо набылі моц, што мы можам паспрабаваць узяць адказнасць за лёс краіны, за лёс сваіх дзяцей. Гэта не была вайна супраць, гэта быў выхад за новае, за іншы варыянт развіцця падзей. Так, многія людзі зараз чакаюць таго самага акна магчымасцяў, праз якое мы кагосьці пачнём караць. Але я не згодны», — сказаў палітык.
Агулам, мяркуе Бабарыка, пры жыцці Аляксандра Лукашэнкі «вельмі малаймаверна, што ў Беларусі з'явіцца магчымасць рэвалюцыйнага руху».
«Ёсць сцэнар вельмі песімістычны. Усе плюнуць на Беларусь, і на нейкі не вельмі вялікі, але трагічны час Беларусь стане сапраўды часткай «рускага міру». Гэта будзе той сцэнар, калі здрадзяць Украіне, што мы зараз і бачым. І Расія будзе святкаваць сваю перамогу. Але ў гісторыі такія перамогі ніколі не былі доўгатэрміновымі», — адзначыў палітык.
Што датычыць больш аптымістычнага сцэнара, то і ён, на думку Бабарыкі, будзе не рэвалюцыйны, а эвалюцыйны. Паводле яго, роля дзяржавы і буйных карпарацый для асобнага чалавека зніжаецца, адпаведна, і каштоўнасць улады для канкрэтнага грамадзяніна зніжаецца. Таму, мяркуе палітык, трэба ўжо зараз ствараць «не столькі сістэму барацьбы за ўладу, колькі сістэму дапамогі людзям, кампенсацыі той шкоды, якую ўлада робіць чалавеку».
«Я не веру ў рэвалюцыйныя змены ў Беларусі такога ж накалу, як у 2020 годзе. Я не верыў, што ў больш жорсткі сцэнар і ў 2020 годзе. Я і цяпер не веру ў тое, што ў будучыні будзе яшчэ больш жорсткі сцэнар, чым ён быў у 2020 годзе», — сказаў Бабарыка.
Паводле яго, «можа, гэта і наіўнасць, але гэта дакладна не дурасць».
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць18
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары
[Зрэдагавана]