У Гродзенскім заапарку нарадзілася дзіцяня міні-аленя — яго выратавала каза
У кітайскіх мунтжакаў, якія жывуць у Гродзенскім заапарку, нарадзілася дзіцяня. Радасная падзея адбылася ў пачатку лістапада.

Эльф стаў першым самцом у прыплодзе. Раней у сям'і міні-аленяў нараджаліся толькі самачкі. Кадрамі з малым спецыялісты падзяліліся толькі цяпер, піша Tochka.by.
У першыя дні жыцця Эльфік амаль не набіраў вагу, расказалі спецыялісты. З дапамогай відэакамер яны высветлілі, што малы галадае. Аказалася, што ў самачкі Элі, якая ўпершыню стала маці, не хапала малака.
Видео: Telegram-канал "Гродненский зоопарк" https://t.co/lIHJmF19yN
Ветэрынары адразу перавялі яго на штучнае гадаванне. Харчаваннем для нованароджанага стала малако казы Пудры. Паводле складу яно блізкае да натуральнага рацыёну аленянят і казуль, таму добра засвойваецца. Апетыт у Эльфа зайздросны — за суткі ён выпівае да 500 мл малака і ўжо прывыкае да прыкорму.
Аленяню прапануюць кавалачкі дзёрну з глебай. Бо дарослыя алені ядуць не толькі траву, але і зямлю, якая насычае арганізм мінеральнымі рэчывамі.
Малы нарэшце стаў на ногі. Цяпер ён носіцца па ўсім ветэрынарным корпусе. Галоўная забава для яго — гульня ў даганялкі з супрацоўнікамі заапарка.
-
«Вы жывыя?» У Беларусі мядзведзі палезлі ў палатку да турыстаў ВІДЭА
-
Два 17‑гадовыя падлеткі ў Брэсце скралі ў маці сябра 200 тысяч рублёў і набылі два аўтамабілі ды некалькі гаджэтаў
-
«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?
Каментары