Усяго патроху1919

«Кальянная» Івана Мураўёва

Пакуль медыкі хапаюцца за галаву, кіраўнік мінскай «Кальяннай №1» адчыняе ўстанову за ўстановай.

Кальян vs цыгарэты

Адразу папярэдзім: кальян — гэта далёка не «здаровая» альтэрнатыва цыгарэтам, як меркавалася раней. Хутчэй нааварот. Пра шкоду цыгарэт чулі ўсе. А за «сеанс» кальяна лёгкія чалавека праганяюць ў сотні (!) разоў больш дыму, чым ад адной скуранай цыгарэты.

Спачатку медыкі казалі, што

1 кальян па шкодным ўздзеянні параўнальны з 1000 цыгарэт.
Пазней, праўда, гэта лічба знізілася да 60 штук. Але нават у такім выпадку, уявіце, што цягам гадзіны-другой вы выкурылі ажно 3 пачкі цыгарэт.

Сталічны кальянны гуру Іван Мураўёў скептычна ставіцца да такіх разлікаў. Так, курыць шкодна. Але сур’ёзных навуковых абгрунтаванняў, каб параўноўваць кальян з n-най колькасцю цыгарэт, не было, кажа Іван.

Як з’явілася «Кальянная № 1»?

Да канца 90-х гадоў кальян быў у «спісе неўязных» тавараў на тэрыторыю Беларусі. Разам з наркотыкамі, выбухоўкай, зброяй і ядахімікатамі.
Першы кальян у Мінску з’явіўся ў 2002 годзе ў «Банана-кафэ» (што ў Траецкім прадмесці).

Тады Мураўёў са сваім сябрам-цёзкай Маслюковым (стваральнікам сеткі гарадскіх гульняў «Энкаўнтар») упершыню паспрабаваў экзатычную прыладу для курэння.

Праз нейкі час Мураўёў набыў сабе «шышу» (як яшчэ называюць кальян). Потым — яшчэ адну. Праз паўгода ў кватэры Івана было ўжо 10 кальянаў.
Так і з’явілся ідэя адчыніць кальянную.

Ажыццявіць сваю мару без вопыту і фінансаў (тады ён працаваў журналістам на радыё «Мінск») было нерэальна. Паступова

Мураўёў знаёміцца з людзьмі, што завозілі кальяны ў Беларусь, наладжвае кантанты з «акуламі» рэстараннага бізнэсу.

Не заглыбляючыся ў акалічнасці справы,

каб адчыніць установу грамадскага харчавання, трэба было заплаціць за права арэнды памяшкання каля 100 тысяч долараў.

Мураўёў разумеў, што не пацягне. І знайшоў больш танную альтэрнатыву — кальянны кейтэрынг. Маці дапамагла адкрыць сваю фірму. Так Іван з сябрам сталі аказваць рэстаранам паслугі па прадастаўленні ў арэнду кальянаў (з абслугоўваючым персаналам).

Першым кліентам стаў рэстаран «7 пакояў». Яго ўласнік, Павал Палонскі, паверыў хлопцам. І не прагадаў: кальян рабіўся мэйнстрымам, цікавасць да яго расла.

Нарэшце, Мураўёў знаёміцца з яшчэ адным уплывовым рэстаратарам — Аляксандрам Астрашэўскім (яму належаць «Стары Менск», «Лондан», «Грунвальд»
і іншыя ўстановы). Той прапанаваў здаць двум Іванам памяшканне пад кальянную.

Так у снежні 2010 года на Карла Маркса, 33 з’явілася «Кальянная № 1». Як кажа Мураўёў, гэта ўстанова хутчэй нагадвае клуб. Сталых наведвальнікаў тут — 40–50%. Сярод іх — музыка Уладзімір Пугач (гурт J-Mors), тэлевядучы Алег Ціткоў (праграма «Времечко»), іншыя «медыйшчыкі», сябры Івана.
(Мураўёў пэўны час працаваў на СТБ, затым — не Белсаце, з якім неўзабаве плануе новы праект). Такае «багемнае» месца для ўсіх.

Вясной 2011 года «Кальянная» страціла пастаяннага кліента палітыка Алеся Міхалевіча (прынамсі, на пэўны час). Вядома, што ён вялікі знаўца і аматар кальяна. Нават знаходзячыся ў «амерыканцы», Міхалевіч, згаджаючыся на супрацоўніцтва з КДБ, запрашае следчага на кальян за свой кошт.

Па чым «пакурыць»?

Смак кальяну залежыць ад складнікаў: водару табакі, якасці вугалю і таго, што заліта ў колбу: вада, малако, віно ці нават кока-кола. Гэта ўсё робіць кальян полем для эксперыментаў.

Звычайны кальян на вадзе каштуе 83 тысячы. На малацэ — 91 тысяча. На «фрукце» — 130 тысяч.
У апошнім выпадку замест глінянай шклянкі тытунь вам пакладуць у яблык ці грэйпфрут. Аднойчы Мураўёў забыўся шклянку і выкарыстаў для гэтага печаную бульбу. Кальян «Медуза» (чэскай вытворчасці) абыдзецца ў 350 тысяч.

Яшчэ адна «фішка» — кальян на алкаголі. У колбу з вадой (якая адыгрывае тую ж ролю, што фільтр у цыгарэтах) заліваюць алкагольны напой на выбар. Праўда, вопытныя кальяншчыкі, кажуць, што гэта прыдумка расейскага чалавека і адмоўна ставяцца да такой самадзейнасці.

У меню «Кальяннай» — каля 20 смакаў тытуню — ад разнастайных фруктаў да кавы і карыцы. Увогуле існуюць і больш дзіўныя смакі, напрыклад, часнака і агурка.

Мураўёў спрабаваў і сам вырабляць кальяны.
Замест колбаў у іх гліняныя гаршкі. І назву прыдумаў адпаведную, «беларускую»: «кальян-хата».

Нядаўна ў Гродне адкрылася «Кальянная № 4», філія мінскай.
На гэтым Іван спыняцца не збіраецца. На чарзе — Магілёў, Гомель, Брэст. У перспектыве — выхад за мяжу — у Маскву і Кіеў. «Кальянная нумар Н», як ні дзіва, можа стаць экспартным брэндам.

Каментары19

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць