80‑гадовая бабуля з Удмурціі двойчы прыязджала ў Мінск па заданні махляроў
Махляры патэлефанавалі ёй ад імя супрацоўнікаў ФСБ і прапанавалі аплачваемую падпрацоўку. Трэба было з’ездзіць у Беларусь і прывезці пасылку.
Пенсіянерка з расійскага рэгіёна на Волзе, паводле яе слоў, не ведала пра змесціва перадачы і не здагадвалася, што ўдзельнічае ў махлярскай схеме, паведамляе «Міліцыя Мінска».
Першы раз жанчына выканала заданне і паспела вывезці за мяжу каля 15 тысяч даляраў, атрыманых ад пажылой мінчанкі.
Затым зноў вярнулася ў Мінск і каля Оперы сустрэлася з жанчынай, якая па кодавым слове «бусінка» перадала ёй каля 30 тысяч рублёў.
Пасля гэтага кур’ер была затрыманая. Грошы канфіскаваныя і будуць вернутыя ўладальніцы.
Абедзве пацярпелыя былі падманутыя тэлефоннымі аферыстамі і думалі, што нібыта дэкларуюць свае зберажэнні ў Нацбанку.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары