U chutkim časie hatel «Śvisłač» stanie «Miensk-prynces-hatelem» i pieršaj piacizorkavaj haścinicaj u Biełarusi.
Rekanstrukcyja budynku, što idzie z 2001 h., pravodzić AT «Irada» (turecki kapitał) — čalec mižnarodnaj sietki hatelaŭ z nazvaj «Prynces». U prajekt układziena 20 młn dalaraŭ. Vonkavy vyhlad budynku na rahu Vaładarskaha i Kirava amal nie źmianiŭsia, ale ŭ realnaści jon byŭ pabudavana nanoŭ — ad staroj «Śvisłačy» zachavaŭsia tolki fasad (budynak uniesieny ŭ śpis historyka-kulturnych kaštoŭnaściaŭ).
Na pieršym paviersie buduć administracyjnaja častka, kaviarnia, kramy j kazino z restaranam. Ad druhoha da piataha pavierchu — numary i kanferenc-zala. Šosty pavierch (jon novy i całkam šklany) adviedzieny pad vialiki restaran, bankietnuju zalu j načny klub. Usiaho ŭ hateli budzie 100 zvyčajnych numaroŭ i dva prezydenckija (dvuchpaviarchovyja). A va ŭnutranym dvoryku — basejn, fitnes-zala, boŭlinh, salony pryhažości j saŭna. Taksama va ŭnutranym dvoryku pabudavana šmatuzroŭnievaja aŭtastajanka, mašyny na jakuju buduć dastaŭlaca na admysłovym lifcie.
Amal hod iduć raboty pa adnaŭleńni hatelu «Eŭropa», jaki taksama maje stać piacizorkavym. Ich miarkujuć skončyć da pačatku 2007 h. Fasad hatelu (prajekt zrobleny TAA «Trajpł») budzie amal dakładnaj kopijaj razburanaha. Unutry budzie 68 numaroŭ i ŭsio, što musić mieć piacizorkavaja haścinica, aproč chiba placoŭki dla hielikoptera.
Nahadajem, zhodna ź instrukcyjaj Ministerstva sportu j turyzmu, ciaham nastupnaha hodu ŭ Biełarusi budzie pravodzicca sertyfikacyja j klasyfikacyja haścinic. Na siońnia ŭ krainie sertyfikavana tolki 10 hatelaŭ (usiaho ŭ Biełarusi 283 hateli). Adzin ź ich čatyrochzorkavy (hatel «Miensk») i dzieviać — trochzorkavyja. Cikava, što na fasadzie viciebskaha hatelu «Łučosa» visiać čatyry zorki, u toj čas jak haścinica trochzorkavaja. Damalavali.
Kamientary