Pačatak a 17-j hadzinie.
18 lutaha a 17-j hadzinie Dziaržaŭny litaraturny muziej Janki Kupały zaprašaje na prezientacyju knihi «PROGLAS» i adkryćcio vystavy pracaŭ słavackaha mastaka-skulptara Ludmiły Ćvienhrašovaj (z asabistaj kalekcyi Nadzvyčajnaha i Paŭnamocnaha Pasła Słavackaj Respubliki ŭ Respublicy Biełaruś Maryjana Servatki), prymierkavanaj da 1150-hodździa prychoda Sv. Kiryła i Miafodzija ŭ Vialikuju Maraviju.
«Prohłas» — pieršajasłavianskaja paema, stvoranaja Kanstancinam Fiłosafam (Sv. Kiryłam) jak pradmova da pieršaj słavianskaj Biblii, dziakujučy jakoj starasłavianskaja mova stała jašče adnoj liturhičnaj movaj chryścijanstva.
«Prohłas» — vialiki tvor ICH stahodździa, napisany hłaholicaj, jakuju vynajšaŭ Kanstancin Fiłosaf, adnolkava značny ŭ XXI stahodździ, bo słavić viečnaje śviatło, Chrysta, jaki prychodzić, kab «źjadnać narody». Padčas imprezy ŭpieršyniu «Prohłas» zahučyć na biełaruskaj movie, vieršavany pierakład jakoha zrabiŭ bard Aleś Kamocki.
Bolš za tysiaču hadoŭ tvor pryciahvaje ŭvahu navukoŭcaŭ, natchniaje mastakoŭ, piśmieńnikaŭ i muzykantaŭ. Člen Sajuza słavackich mastakoŭ, uładalnik Ordena Ludavita Štura za dasiahnieńni ŭ vobłaści mastactva Ludmiła Ćvienhrašova praz svaju tvorčaść nabližaje hramadstvu etapy historyi Słavakii ŭ sieryi malunkaŭ i miedaloŭ. Prychod Kiryły i Miafodzija ŭ Vialikuju Maraviju adlustravany na kieramičnych rabotach skulptara, ekskluziŭnaje ekspanavańnie jakich adbudziecca padčas imprezy.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam8
Kamientary