Samy bahaty biznesoviec krainy — vydatny prykład dziaržaŭna-pryvatnaha partniorstva ŭ biełaruskich realijach.Čyž buduje ladovy katok dla studentaŭ — tamu atrymlivaje supierdarahuju ziamlu pad hmach la Trajeckaha pradmieścia. Čyžu daručajuć ŭźvieści «kompleks budynkaŭ dla absłuhoŭvańnia delehacyj» u Biełaviežskaj puščy — značycca, jon moža raźličvać na niešta ŭ adkaz. Naprykład, na ziamlu ŭ Minsku ci na bolšuju kvotu na pastaŭku nafty.
Vychadziec sa šmatdzietnaj baptysckaj siamji Juryj Čyž dasiahnuŭ maksimalna mahčymaha ŭ sučasnym biełaruskim pryvatnym biznesie.Hadzińnik za $400 tysiač i 25 zvolnienych trenieraŭ jahonaha futbolnaha «Dynama» vydatna pasujuć jahonamu aŭtarytarnamu stylu kiravańnia.
***
Cytata: «U žonki dačka niejak spytała: «Mama, a tata chodzić u chakiej hulać ci jak na pracu?» Ja b na jaje miescy zadumaŭsia».
***
Abjektyŭka
Nar. u 1963 u vioscy Sabali Biarozaŭskaha rajona. Zakončyŭ BNTU. Ułaśnik roznahalinovaj biznes-impieryi «Trajpł», maje intaresy ŭ naftavym siektary, nieruchomaści, handli, vytvorčaści budmateryjałaŭ, hramadskim charčavańni, turyźmie, sporcie, sielskaj haspadarcy. Trapiŭ pad sankcyi Jeŭrasajuza jak «kašalok Łukašenki».
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary