U Małdovie vynieśli prysud byłomu vysokamu śpiecsłužbistu za pieradaču sakretnych źviestak biełaruskamu KDB
U Małdovie zavočna vynieśli prysud byłomu namieśniku dyrektara Słužby infarmacyi i biaśpieki Małdovy Alaksandru Bełanu, paviedamlaje NewsMarker.md.

Sud u Kišyniovie pryznaŭ Alaksandru Bełana vinavatym u razhałošvańni dziaržaŭnaj tajamnicy i pryznačyŭ jamu pakarańnie ŭ vyhladzie adnaho hoda i šaści miesiacaŭ pazbaŭleńnia voli. Pasiadžeńnie prachodziła ŭ zakrytym režymie, a sam Bałan udzielničaŭ u im anłajn, bo zaraz znachodzicca pad chatnim aryštam u Rumynii.
Pavodle słoŭ prakurora, Bełan pryznaŭ vinu i paprasiŭ razhledzieć spravu ŭ sproščanym paradku. Rašeńnie ab vykanańni prysudu ciapier pavinny realizavać rumynskija ŭłady.
Raniej Bełana zatrymali ŭ Rumynii pa padazreńni ŭ pieradačy sakretnaj infarmacyi biełaruskamu KDB. Śledstva śćviardžaje, što jon sustrakaŭsia z pradstaŭnikami biełaruskaj raźviedki ŭ Budapiešcie i moh pieradavać im sakretnyja źviestki za ŭznaharodu.
Taksama ŭ Rumynii suprać byłoha małdaŭskaha śpiecsłužbista idzie asobnaja sprava, dzie jamu pahražaje bolš surjoznaje pakarańnie.
Stała viadoma imia byłoha małdaŭskaha śpiecsłužbista, jakoha zatrymali za špijanaž na karyść Biełarusi
U Jeŭropie vykryli biełaruskuju špijonskuju sietku. Aryštavali byłoha kiraŭnika małdaŭskaj kontrraźviedki
BiełdziaržSMI i kanały siłavikoŭ sprabavali budaražyć Małdovu razam z rasijanami. Voś što z hetaha vyjšła
Stała viadoma imia biełaruskaha kadebista, jaki kuryravaŭ zavierbavanaha kiraŭnika małdaŭskaj raźviedki. I ich chitry sposab kamunikacyi
Kamientary