Asałoda ad niazhrabnaj karciny. Śpiašajciesia, pakul nie zabyli svajo dziacinstva.
Zorny pył (Stardust)
ZŠA – Vialikabrytanija, 2007, kalarovy, 130 chv.
Režyser: Mećju Von
Roli vykonvajuć: Čarli Koks, Kłer Dejnz, Robert De Nira, Mišel Pfajfer, Silena Miler, Džejsan Fleminh, Sara Alaksandar, Ben Barnz, Rupert Everet
Žanr: Ramantyčnaja kazka pavodle knihi Niła Hiejmana
Adznaka: 7 (z 10)
Adnojčy małady čałaviek praz pravał u viaskovym mury trapiŭ u čaroŭnuju krainu, dzie paznajomiŭsia ź pieknaj słužankaj viedźmy. Praz 9 miesiacaŭ junaku padkinuli syna. Pastaleły syn adpraviŭsia ŭ čaroŭnuju krainu za źničkaj, kab padaravać jaje kapryźlivaj dziavuli. Ale źnička – naiŭnaja blandynka – nie pałaje žadańniem stacca čymści padarunkam. Da taho ž za niabiesnaj hościaj palujuć złyja pryncy, a viedźmy prahnuć zabić jaje. Viaskovaha niedareku j źničku čakajuć pryhody z adzinaroham, pavietranymi piratami i čaraŭnictvam. Ale samaje hałoŭnaje – vyprabavańnie serca…
Karcina Mećju Vona – ramantyčnaja kazka z kananičnym viasiellem naprykancy. Stužka dalokaja ad surjoznaści “Hary Potera” i raskošy “Pirataŭ”, kultavaj bajavitaści “Konana” – i zubastaści “Šreka”.
“Zorny pył” – fantazija z nadryŭnymi mylnaopernymi intanacyjami. Emocyi – naiŭnyja i dydaktyčnyja; hieroi – hanarovyja kazačnyja maski. Zło – jość zło, dabro – jość dabro; admysłovyja efekty amal archaičnyja. I ŭvieś film niejki niapravilny, parastrapany.
Ale ŭ hetym i asałoda.
Byccam trymaješ u rukach začytanuju dziciačuju knižku. Jana j nieachajnaja, i niazhrabnaja, i niedaskanałaja – ale samaja lubimaja. Bo havoryć sercam.
Karcina kranaje miłaj nieabaviazkovaściu, kali znanyja aktory ad ščyraha serca valajuć durnia. Robert De Nira – suvory kapitan pirataŭ Šekśpir (!), maryć pra Anhliju i ŭpotajki apranaje žanočyja tranty (nia pieršy vypadak u karjery De Nira). Mišel Pfajfer paŭtaraje podźvihi “Istvickaj viedźmy” – i zalivajecca hratesknym starečym śmiecham.
Bieły kazioł stajecca najpaciešniejšym karčmarom, miascovy jołupień pieraŭtvarajecca ŭ hrudastuju duru, a pryznańnie ŭ kachańni hučyć nad kletkaj začaravanaha hryzuna.
Cyrk-šapito, kirmašovyja atrakcyjony… śpiašajciesia, pakul nie zabyli svajo dziacinstva.
A voś dzieci mohuć hladzieć film hadoŭ z 12. Viedźmy strašnyja, dyj pryncy dobrymi manierami nie vyłučajucca.
“Zorny pył” – niečakany letni padarunak dla hledača. Kali vy zdolnyja być naiŭnymi, kab jaho acanić.
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik28
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje55
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje5
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1313
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć13
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary