U Varšavie pakažuć piać najlepšych tekstaŭ sučasnych biełaruskich dramaturhaŭ — uvachod volny
Na pačatku hoda byŭ abvieščany šort-list konkursu-fiestyvalu biełaruskaj dramaturhii Dramatyzacyja, jaki pravodzicca ŭpieršyniu. Z 66 dasłanych na konkurs pjes prafiesijnaje žury abrała piaciorku najlepšych tekstaŭ. Usie jany napisanyja žančynami-dramaturhami.
Ciapier ich pakažuć na fiestyvali, što projdzie ŭ Varšavie 10‑11 krasavika.
U prastory «Dom na praśpiekcie — Dom kultury Sieradmieście» (Dom w Alejach — Dom Kultury Śródmieście), što znachodzicca pa adrasie Ijerusalimskija alei, 2 (al. Jerozolimskie 2), hledačy zmohuć pabačyć čytki nastupnych tvoraŭ:
- «Limb» Renaty Tałan;
- «Najsapraŭdniejšaje» Ksienii Štalankovaj;
- «Apošni śviedka [staroha Hrodna]» aŭtarstva Amalii Ryźnič;
- «Luboje miesca, dzie zastalisia ślady» Maryi Bialkovič;
- «Rudaja vaviorka» Chasi Kornievaj.
Usie jany pieraniesienyja na scenu biełaruskimi režysiorami i akciorami.
Fiestyval sučasnaj biełaruskaj dramaturhii Dramatyzacyja — heta vydatnaja mahčymaść paznajomicca z aktualnymi teatralnymi tekstami i adkryć dla siabie novyja imiony biełaruskaha teatra.
Z dakładnym raskładam mierapryjemstva možna aznajomicca pa spasyłcy. Uvachod na jaho volny, ale pa papiaredniaj rehistracyi.
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary