«Kibierpartyzanaŭ» krytykujuć za ŭzłom sajta Nacbiblijateki — bo ciapier nie pracuje katałoh. Tyja adkazali
27 sakavika «Kibierpartyzany» ŭzłamali sajt Nacyjanalnaj biblijateki. Z taho času jon nie pracuje, u biblijatecy niama internetu, a čytačy nie mohuć šukać knihi praz anłajn-katałoh — davodzicca iści ŭ biblijateku. Chto vinavaty ŭ tym, što praca biblijateki častkova paralizavanaja?
«Kibierpartyzany» abviaścili pra ŭzłom sajta biblijateki 27 sakavika i prymierkavali ataku da Dnia Voli. Na hałoŭnaj staroncy sajta na karotki čas źjavilisia vyjavy z «Pahoniaj», pryśviečanyja Dniu Voli, i nadpisy «Žyvie Biełaruś!».
Adnak paśla akcyi ŭźnikli prablemy. Ludzi, jakija sprabavali skarystacca anłajn-katałoham biblijateki ŭ apošnija dni, skardzilisia, što jon nie pracuje. U samoj biblijatecy paviedamili, što ŭ ich budynku niama internetu, a elektronnym katałoham možna skarystacca tolki na miescy, pisała «Lusterka».
Navukoviec Siarhiej Biesarab vykazaŭ u fejsbuku zaściarohu, što akcyja mahła paškodzić katałohi biblijateki. Krytyku akcyi vykazali i inšyja.
Pres-sakratarka «Kibierpartyzanaŭ» Julijana Šamietaviec prakamientavała, što ciapierašnija prablemy z sajtam «nacyjanałki» nie źviazanyja z tym uzłomam. Kali kamanda ŭzłomvaje ŭnutranyja sistemy, jany pra heta abviaščajuć publična:
«Padčas akcyi my tolki źmianili na sajcie Nacyjanalnaj biblijateki malunki, pastavili vyjavy z nacyjanalnymi kolerami i vinšavańniami. My nie parušali pracu sajta i navat nie adklučali jaho, bo sens akcyi, kab ludzi mahli zachodzić na sajt i bačyć vinšavańni. Parušyli pracu sajta łukašysty, jakim heta nie padabajecca».
«Kibiery» paraŭnoŭvajuć heta z tym, kali b čałaviek pryjšoŭ da budynka biblijateki i paviesiŭ na dźviery płakat ź vinšavańniami — maŭlaŭ, pracu budynka heta nie parušaje.
«My zaklikajem publičnych asob być uvažlivymi ŭ svaich mierkavańniach na pablik: spačatku sabrać dokazy, źviarnucca pa kamientary da nas. Lepiej udakładnicie, spytajcie, čym adrazu kidać vydumki i abvinavačvańni biez dokazaŭ», — dadała ŭ kamientary Šamietaviec.
«Naša Niva» — bastyjon biełaruščyny
PADTRYMAĆAnanimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
«Kibierpartyzany» raskapali novuju detal pa spravie Anžaliki Mielnikavaj
«Kibierpartyzany» ŭzłamali «Chimvałakno» — jano pastaŭlaje pradukcyju dla abšyŭki kasak i broniekamizelek dla rasijskaj armii
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma12
Kamientary