Kamandzir RDK Dzianis Kapuścin dakazvaŭ Dudziu, što nie jaŭrej
Jon prynios navat paśviedčańnie ab naradžeńni, kab pakazać nacyjanalnaść baćkoŭ. Siamja Kapuścina, jaki ciapier kamanduje Ruskim dobraachvotnickim korpusam, kaliści pierajechała ŭ Hiermaniju pa jaŭrejskaj prahramie.
Dzianis Kapuścin naradziŭsia ŭ 1984 hodzie ŭ Maskvie, byŭ fanatam maskoŭskaha CSKA, ultrapravym aktyvistam, zajmaŭsia spartovymi adzinaborstvami. Kali jamu było 17 hadoŭ, jon razam z baćkami pierajechaŭ u Hiermaniju. Z 2017 hoda Kapuścin žyŭ va Ukrainie, dzie ŭ 2022 hodzie zasnavaŭ Ruski dobraachvotnicki korpus. U Rasii zavočna prysudžany da pažyćciovaha źniavoleńnia.
U vialikim intervju z Kapuścinym Juryj Dudź pacikaviŭsia, jak u siamji atrymałasia źjechać u Hiermaniju.
«Aficyjna — heta jaŭrejskaja linija», — adkazaŭ Kapuścin.
«To-bok u ciabie jaŭrejskaja siamja?», — udakładniŭ Dudź.
«Nie. U mianie ruskaja siamja», — zapiarečyŭ Kapuścin i ŭ jakaści dokazu praciahnuŭ Dudziu svajo paśviedčańnie ab naradžeńni, prapanavaŭšy ahučyć nacyjanalnaść jaho baćki i maci.
«Baćka — ruski, maci — ruskaja», — pračytaŭ Juryj i znoŭ paŭtaryŭ pytańnie: «Ale jak ža vy źjechali? Ty ž skazaŭ — pa jaŭrejskaj prahramie».
«Nie chacieŭ by ŭdavacca ŭ detali», — adkazaŭ Kapuścin.
Dudź pahadziŭsia i pierajšoŭ da nastupnaha pytańnia:
«Tvajho dziadulu zavuć Jafim Aronavič Karpman?»
«Karpmanski», — udakładniŭ Kapuścin.
«I ty nie ź jaŭrejskaj siamji?» — ździviŭsia Dudź.
«Nu, kali ŭ mianie dziadula pa maci, to-bok adziny svajak jaŭrejskaj nacyjanalnaści, ja nie dumaju, što pravilna kazać, što ja ź jaŭrejskaj siamji. U mianie absalutna ruski baćka. U maci — častka, to-bok dziadula — jaŭrej. Babula — ruskaja i ŭkraincy. Nu, to-bok ja siabie nie liču jaŭrejem, ja nie liču, što ja ź jaŭrejskaj siamji. (…)
Ja samavyznačaju siabie jak ruski, z ruskimi baćkami. Baćka majoj maci — jaŭrej. Maci majoj maci — ruskaja. Adpaviedna, maja maci napałovu, to-bok ja na čverć, napeŭna [jaŭrej]. Ja siabie liču ruskim, ja liču, što ja naradziŭsia ŭ ruskaj siamji. (…)
Ja mahu apaniravać maim palityčnym voraham, jakija sprabujuć skazać, što, maŭlaŭ, ja ź jaŭrejskaj siamji, ale ŭbirajusia ŭ niejkija ruskija nacyjanalistyčnyja adzieńni. Ja na hety kont jašče raz kažu — nie refleksuju.
Ja vyras u Maskvie, u ruskaj siamji. Baćka ŭ mianie, nie viedaju, da jakoha pakaleńnia, ruski. Maci — ruskija, ukraincy i voś dziadula jaŭrejskaj nacyjanalnaści. Ja tabie navat pakazaŭ unikalnuju reč — svajo paśviedčańnie ab naradžeńni», — davodziŭ kamandzir RDK.
Dudź prapanavaŭ koratka zafiksavać:
«Značyć, tvajho dziadulu zavuć Jafim Aronavič Karpmanski?»
«Tak».
«Ale ty nie ź jaŭrejskaj siamji?»
«Viadoma, nie».
Zasnavalnika «Ruskaha dobraachvotnickaha korpusa» zavočna asudzili na pažyćciovaje źniavoleńnie
Zasnavalnika «Ruskaha dobraachvotnickaha korpusa» abvinavacili ŭ padrychtoŭcy zamachu na pravasłaŭnaha miljardera
Kamandzir Ruskaha dobraachvotnickaha korpusu patłumačyŭ, ci jon arhanizavaŭ napad na Idraka Mirzalizade
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
Kamientary
Leonid Vołkov saratnik Navalnaha na jakoha u Vilnie napad zamovił Nievźlin
Ja nie ruskij ja jevriejskij nacyonalist vierujuščy ...
Jak ŭsie zabłytana z " patryatyzmam" " patryjotami" u Rf z abodvuch bakoŭ ..
Pytańnie ?Zaraz siej momient ab kim kłopat i na ċju karyść dziejnaść a praz hadzinu a da viačery
Šmat kamientavał kazał
Vorah majho voraha ...mnie ni kamrad i navat ni radnia amal biez vyklučeńnia
a kali ŭ maskoŭskaj impieryi było pa inšamu ? Habrei (biełaruskija- ukrainskija) , Litviny, Čečency, Krymčuki, Ukraincy, zaŭsiody byli vorahami impieryi