«Niekatoryja rečy ŭžo adbylisia». U Taćciany Zamiroŭskaj vychodzić novy zbornik apaviadańniaŭ
Biełaruskaja piśmieńnica Taćciana Zamiroŭskaja paviedamiła pra vychad svajoj novaj knihi.
Zbornik apaviadańniaŭ pad nazvaj «Niekatoryja rečy ŭžo adbylisia» («Niekotoryje vieŝi užie proizošli») staŭ refleksijaj nad apošnimi piaćciu hadami žyćcia aŭtarki — z 2020 pa 2024 hod, piša Reform.news.
Afarmleńnie knihi maje svaju historyju: vokładku azdobiła karcina «Pamyłkovaja formuła» mastaka i pank-muzykanta Vasila Pačyckaha, jaki pamior u 2024 hodzie.
«Heta kniha-spravazdača pra toje, što adbyłosia. Jana nie mahła być inšaj, jana nie mahła zdarycca pa-inšamu. Niekatoryja rečy ŭžo adbylisia — i heta kniha taksama takaja reč… Ja b vielmi chacieła, kab jana znajšła taho samoha čytača, jakomu ad jaje stanie troški lahčej i jaki ź niekatoraj paradaksalnaj post-apakaliptyčnaj palohkaj zrazumieje, što jon nie adzin», — adznačyła piśmieńnica ŭ svaich sacsietkach.
U knizie Zamiroŭskaja daśleduje, jak vialikija i asabistyja katastrofy ŭpłyvajuć na movu, identyčnaść i psichiku. U zbornik uvajšli apaviadańni z suśvietu jaje ramana «Śmierci.net», teksty dla mižnarodnych art-prajektaŭ (u pryvatnaści, dla prajektaŭ MMoma, Mumok Museum Wien i inšych instytucyj), «šmat amierykanskich apaviadańniaŭ», «šmat biełaruskich», a taksama historyi z praciaham.
Naprykład, pa apaviadańni «Mienavita tym, čym padajecca» razam z režysiorkaj Darjaj Žuk užo napisany scenaryj dla filma, a tekst «Ja mohu pohovoriť s živym čiełoviekom?» daść nazvu budučaj anhłamoŭnaj knizie aŭtarki.
Kniha vyjšła ŭ «Vydaviectvie Aleny Šubinaj». Šmatmoŭnaje apaviadańnie ź biełaruskamoŭnymi frahmientami zachavali ŭ aryhinalnym vyhladzie.
Vydańnie ŭžo možna nabyć u kramach Varšavy (Bukinistka), Łatvii (kniga.lv), ZŠA (Kvartirabooks) i navat u Biełarusi (na oz.by).
Taćciana Zamiroŭskaja — biełaruskaja piśmieńnica, žurnalistka, muzyčny krytyk. Aŭtarka zbornikaŭ «Žyćcio biez šumu i bolu», «Ziamla vypadkovych likaŭ», «Varabjinaja raka», ramana «Śmierci.net», a taksama apošnich prac — «Śviečy Apakalipsisu» i zbornika ese «Eŭrydyka, pravier, ci vyklučyła ty haz». Užo bolš za dziesiać hadoŭ žyvie i pracuje ŭ Ńju-Jorku
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ
Taćciana Zamiroŭskaja napisała, čamu jana prychodzić u kamienty da ludziej, jakija staviać u siabie ŭ sacsietkach pasty, napisanyja ŠI
U kniharni ŭ Ńju-Jorku budzie palička ź biełaruskimi knihami
Kamientary
[Zredahavana]
Darečy, Vasil Pačycki adna z tych asob muzyki i mastactva Biełarusi, jakaja atrymała niezasłužana dastatkova ŭvahi pry žyćci. U publičnaj internet-prastory - toje, što šukajuć pašukaviki, bolš usiaho infarmacyi ŭžo tolki ŭ niekrałohach.
[Zredahavana]