U Śvisłačy Kalinoŭskaha viedajuć lepiej, čym Lenina
Adzinaja himnazija ŭ Biełarusi, jakaja nosić imia Kastusia Kalinoŭskaha, sustreła vučniaŭ na Dni rodnaj movy ŭ Śvisłačy. Tradycyjnaja liniejka, kvietki, banty, pryhoža apranutyja školniki i ich baćki pryjšli na dzień viedaŭ u rodnyja ścieny.
U hetym hodzie himnazija pryniała 18 pieršakłaśnikaŭ, piša «Salidarnaść». Paśla tradycyjnych liniejek vučni śvisłackich škoł u Dzień rodnaj movy rušyli na ekskursii pa horadzie i naviedali pomnik Kastusiu Kalinoŭskamu, ustalavany na hałoŭnaj płoščy horadu jašče ŭ 1958 hodzie.
Nie zvažajučy na aficyjnaje staŭleńnie da asoby kiraŭnika paŭstańnia 1863 hodu, u Śvisłačy Kalinoŭskim hanaracca pa-sapraŭdnamu. Naprykład, dziažurny administratar u hateli padrabiazna raspaviadaje pra słavutych navučencaŭ nie mienš słavutaj himnazii ŭ Śvisłačy, a pieršakłaśniki na ekskursii nie viedajuć, kim byŭ Lenin (pomnik jakomu mieścicca niepadaloku), ale pra Kalinoŭskaha kažuć choram.
I nie dziŭna. Uzhadak pra kiraŭnika paŭstańnia 1863 hodu ŭ Śvisłačy šmat. Tut jość vulica imia Kalinoŭskaha, miemaryjalnaja doška i pomnik, ustalavanyja ŭ jaho honar. Akramia taho, mienavita ŭ Śvisłačy mieścicca himnazija, dzie vučyŭsia Kastuś Kalinoŭski i Ramuald Traŭhut. Dla miascovych žycharoŭ takija słavutyja svajaki – jašče adna padstava dla honaru.
– Voś čamu nie pravieści Dzień biełaruskaha piśmienstva ŭ nas? – pytajecca adna z nastaŭnic, što pryviała svaich vučniaŭ na ekskursiju. – Ci mała było ŭ Śvisłačy słavutych biełarusaŭ, i ci nie varta adradžać horad mienavita z ulikam słaŭnaj histaryčnaj pamiaci?
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary