Na adnoj z vulic Pinska źjaviłasia šafa dla biaspłatnaha abmienu knihami FOTAFAKT
U Pinsku źjaviŭsia punkt bukkrosinhu — śpiecyjalnaja šafa, dzie možna biaspłatna ŭziać knihu albo pakinuć svaju. Pra novuju inicyjatyvu raskazała ŭ Threads miascovaja žycharka Taćciana, paviedamlaje vydańnie Blizko.by.
Šafu pastavili na vulicy Iljina, pobač z ekspres-punktam OilService, niedaloka ad doma № 2A. Kanstrukcyja nahadvaje nievialikuju telefonnuju budku: jana maje prazrystyja ścieny z malunkami, šklanyja dźviery i šafu z knihami. Ścianu nasuprać dźviarej zvonku ŭpryhožvajuć ciul i štučnyja kvietki. Na dachu raźmieščany nadpis «Tutejšyja knihi».
Skarystacca z hetaha punkta moža kožny. Možna vybrać knihu, jakaja spadabałasia, i zabrać jaje dadomu. Taksama siudy možna prynieści ŭłasnyja knihi, jakija ŭžo nie patrebnyja, kab imi mahli skarystacca inšyja.
Padobnyja punkty bukkrosinhu ŭžo isnujuć u roznych haradach Biełarusi, u tym liku ŭ Minsku. Adzin ź ich, naprykład, raźmieščany ŭ skviery na vulicy Hamarnika i pryśviečany piśmieńniku Ivanu Mieležu.
Kamientary