A ŭ Polščy jon čakaje suda realnaha.
Jak paviedamiła žonka Siarhieja Panamarova Śviatłana, jana atrymała rašeńnie Słuckaha rajonnaha suda. Jaje mužu, jaki ŭžo try hady znachodzicca za miažoj, zavočna prysudzili štraf — 500 bazavych (65 miljonaŭ rubloŭ). Advakat padaŭ kasacyjnuju skarhu.
Sprava tyčycca publikacyj u biuleteni Panamarova «Bojki Kleck», jakija, jak pastanaviŭ sud, abrazili pradstaŭnikoŭ ułady. Kryminalnuju spravu zaviali ŭ mai 2010. Abražanymi siabie paličyli na toj čas staršynia Kleckaha rajvykankama A. Bojka (siońnia deputat pałaty pradstaŭnikoŭ), sudździa rajsuda A. Haściejeva, staršynia rajonnaha savieta deputataŭ P. Duduk i kleckija milicyjanty A. Kananovič i S. Zdrok.
Ciapier biełaruski hramadski aktyvist Siarhiej Panamaroŭ znachodzicca ŭ Polščy, dzie paprasiŭ palityčny prytułak u 2010. Tam jaho buduć sudzić za padpał katedžaŭ.
Pa słovach žonki palituciekača, apošniaja viestka ad jaho pryjšła 6 śniežnia. U liście jon napisaŭ, što 25 listapada skončyłasia śledstva, spravu pieradali ŭ sud i jon sustreŭsia z advakatam, prakuroram i sudździoj. Taksama paviedamiŭ, što viadziecca dadatkovaje rasśledavańnie ŭ adnosinach da Źmitra Surby (fihuranta polskaj spravy Panamarova). Vyjaviłasia, što jon źmianiaŭ proźvišča.
Kamientary