Znoŭ čorny dzień u Hrodzienskim univiery: zvolnienaja historyk Ina Sorkina
Z histfaka Hrodzienskaha ŭniviersiteta zvolniena Ina Sorkina — dacent, kandydat histaryčnych navuk, paviedamiła ŭ Fejsbuku Haradzienskaja biblijateka.
Jak adznačajecca, Inu Sorkinu zvolniła Rada fakulteta historyi, turyzmu i kamunikacyi Hrodzienskaha dziaržaŭnaha ŭniviersiteta. Dacent maje tydzień, kab padać apielacyju na rašeńnie Rady. Ciaham miesiaca apielacyja budzie razhledžana rektaram i Radaj univiersiteta.
«Niama inšych pryčyn, akramia palityčnych, vykidać (inačaj nazvać nielha) z univiersiteta navukoŭca i vykładčyka, jakaja maje 70 navukovych publikacyjaŭ za apošnija piać hod. Nie isnuje inšych pryčyn, akramia palityčnych, vykidać z pracy aŭtara vydatnaj manahrafii «Miastečki Biełarusi ŭ kancy XVIII — pačatku XIX stst.» Nie isnuje inšych pryčyn, akramia palityčnych, vykidać z univiersiteta kalehu, jakaja davodziła niespraviadlivaść i škodnaść dla biełaruskaj navuki i prestyžu ŭniviersiteta zvalnieńnia historykaŭ Viačasłava Švieda i Andreja Čarniakieviča», — adznačajuć kalehi ŭ paviedamleńni.
Jak i Švied i Čarniakievič, Sorkina naležała da kahorty najlepšych znaŭcaŭ historyi Biełarusi.
Dakładnyja matyviroŭki zvalnieńnia Sorkinaj jašče nieviadomyja, sama jana admaŭlajecca ad kamientaroŭ. Jana navat nie chacieła, kab infarmacyja pra zvalnieńnie razychodziłasia, pakul nie budzie razhledžana apielacyja.
Były kiraŭnik Hrodzienščyny Siamion Šapira ŭ svoj čas pryznaŭ, što zvolnić Čarniakieviča zahadaŭ asabista jon. Pry hetym, pa słovach Šapiry, «čorny śpis» navukoŭcaŭ i prafiesury skłaŭ dla jaho KDB.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary