Viarchoŭnaja Rada stvaryła Nacyjanalnuju Hvardyju va Ukrainie. Za pryniaćcie zakona za asnovu i ŭ cełym prahałasavali 262 deputaty.
«Akramia pravaachoŭnych funkcyj, jakija pierachodziać Nacyjanalnaj hvardyi ŭ spadčynu ad Unutranych vojskaŭ Ukrainy, na nacyjanalnuju hvardyju prapanujecca ŭskłaści vykanańnie i inšych funkcyj», — adznačyŭ v.a. kiraŭnika dziaržavy Alaksandr Turčynaŭ, jaki źjaŭlajecca aŭtaram zakona.
Nacyjanalnaja hvardyja maje ŭdzielničać u zabieśpiačeńni dziaržaŭnaj biaśpieki, abarony dziaržaŭnaj miažy, udzielničać u spynienni terarystyčnaj dziejnaści, a taksama ŭ dziejnaści pa abiasškodžvańni vajenizavanych uzbrojenych hrupovak, terarystyčnych arhanizacyj, arhanizavanych hrup i złačynnych arhanizacyj.
U toj ža čas pry patrebie va ŭzajemadziejańni z uzbrojenymi siłami Ukrainy hvardyja buduć udzielničać u adbićci ŭzbrojenaj ahresii suprać Ukrainy i likvidacyi zbrojnaha kanfliktu šlacham viadzieńnia vajenna-bajavych dziejańniaŭ, a taksama vykanańnia zadač terytaryjalnaj abarony.
Va ŭmovach mirnaha času Nachvardyja budzie vykonvać pravaachoŭnyja funkcyi.
Hetaja siłavaja struktura maje paŭstać častkova na bazie Unutranych vojskaŭ, a častkova na dobraachvotnaj asnovie. Heta značyć, što jaje bazu składuć siły Samaabarony Majdanu. Nacyjanalnaja hvardyja, takim čynam, stanie pieršaj bajazdolnaj u rasparadžeńni ŭkrainskaha ŭrada. Zbroi dla jaje Ukraina maje dosyć. Paśla jaje stvareńnia Ukraina pierastaje być biezabaronnaj i budzie zdolnaja akazać peŭny supraciŭ.
Rasii patrebnaja ekanamična słabaja, palityčna padzielenaja i vajskova biezabaronnaja Ukraina. Mienavita tamu Rasija moža zreahavać na stvareńnie Hvardyi novym previentyŭnym udaram.
Nastupnyja dni buduć napružanymi.
Kamientary