Hladzicie anłajn-repartaž na našym sajcie a 19-j.
Vośmaha krasavika ŭ minskim klubie «Mulen Ruž» talenavitaja biełaruskaja śpiavačka pradstavić razam z muzykami z svajho hurta admysłovuju prahramu. Kancert u miežach akcyi «Žyvy Tuzin» padtrymaje taksama hurt BosaeSonca.
Budučy kancert Paliny Respubliki možna nazvać badaj što samym vialikim solnym kancertam za jaje pakul jašče niadoŭhuju, ale paśpiachovuju karjeru, jakaja pačałasia ź pieramohi na fiestyvali «Bardaŭskaja vosień-2011» i pryznańnia «Adkryćciom hodu» pa viersii partału Tuzin.fm. Z 17 hod Palina paśpiachova hraje solnyja kancerty i pastajanna pašyraje hieahrafiju vystupaŭ. Letaś jana źjeździła ŭ mini-tur pa Ŭkrainie, dzie zdabyła niamała prychilnikaŭ. Sioleta 14 lutaha Palina ŭ supolnym kancercie z Akute dała vydatny kancert u KZ «Viciebsk». Apošni sinhł śpiavački «Leta» trymajecca ŭ liderach čartu na Tuzin.fm blizu 20 tydniaŭ.
Da vialikaha solnaha kancertu ŭ minskim klubie «Mulen Ruž», jaki prypadaje jakraz na jaje 20-hodździe, Palina rychtuje razam z muzykami admysłovuju prahramu. Skład hurta pašyryŭsia, dałučylisia bubnač Jury Martynaŭ, basist Vadzim Ściepanovič, a zamiest kantrabasa zaraz hučyć vialančel Alaksandry Alaksiuk. «Šmat užo znajomych našym amataram piesień prahučać u novych aranžyroŭkach, u čymści bolš tancavalnych, a ŭ čymści i bolš dramatyčnych. Razam z tym my nie admianiali piaščotnaj liryki i zusim akustyčnaj Paliny. Jak mnie padajecca, bjez hetaha nielha. Buduć abaviazkova i novyja piesienki, ale heta sakret. Spadziajusia, što ŭsio atrymajecca i kancert atrymajecca śviatočnym dla ŭsich», - raspaviadaje pra svaje čakańni ad budučaha vystupu śpiavačka.
Palinu padtrymaje adzin ź jaje ŭlubionych hurtoŭ na biełaruskaj scenie - BosaeSonca, jaki letaś vydaŭ adrazu dva pryhožyja i admietnyja albomy «Zalaty» i «Adpuści».
Kancert 8 krasavika projdzie ŭ miežach akcyi «Žyvy Tuzin», jaki pradstaŭlaje partał Tuzin.fm razam z kampanijaj «Budźma biełarusami!» i tvorčaj kamandaj pab-klubu «Hrafici».
Kvitki – 100 000 (tancplac), 120 000 – 190 000 (stoliki)
Nabyć možna ŭ kłubie «Hrafici», kasach Kvitki.by i on-łajn praź i ŭ pab-klubie «Hrafici» (zav.Kalinina, 16)
Telefon dla daviedak: 638-44-44 (Velcom, MTS, life)
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary