14 krasavika ŭ Minsku ŭ ramkach MSK Fashion Week adkryłasia vystava žyvapisu, hrafiki, skulptury i fatahrafii mastakoŭ, jakija pracujuć u žanry niu, pad nazvaj Nude. Jaje arhanizatarami vystupili Centr sučasnych mastactvaŭ i aŭkcyjonny dom «ArtForum».
U vystavie biaruć udzieł zvyš tryccaci mastakoŭ, jakija pradstavili bolš za 140 rabot, paviedamiła kuratar vystavy Ała Naroŭskaja. «Aholenaja natura — hetaja tema była aktualnaj u mastactvie z samych staražytnych časoŭ, — nahadała jana. — My bačym tut samyja roznyja pracy, pačynajučy ad vytančanych Mikałaja Buščyka i zakančvajučy epatažnymi Dźmitryja Surynoviča, trochi ahresiŭnymi pracami Alesia Faleja. Ale ŭ hetym i sens pryhažości žančyny - ad ułaścivych joj boskich rysaŭ da zahannaści. Ja dumaju, na našaj vystavie pradstaŭlenyja rysy žančyny jak abjekta natchnieńnia».
Na pytańnie, ci nie baiciesia vy «ahresiŭnym» niu naklikać hnieŭ kamisii pa maralnaści, Ała Naroŭskaja adkazała: «Sprava ŭ tym, što žančyna naša žyvie ŭ socyumie, jaki trochi ahresiŭny, i takoju ž jon robić žančynu - heta jak refleks jaje samaabarony. Zrešty, heta prava mastaka - pakazvać žančynu takoj, jakoj jon jaje bačyć».
Ciapier čytajuć
Skandał u połackaj škole: maci śćviardžaje, što jaje syna źbili na treniroŭcy pa dziudo — tak chłopca «vychoŭvaŭ» trenier11
Kamientary