U Biełarusi ź listapada biahučaha hoda ŭzrastajuć dziciačyja dapamohi, paviedamili ŭ adździele narodanasielnictva, hiendarnaj i siamiejnaj palityki Ministerstva pracy i sacyjalnaj abarony.
Pastanovaj ministerstva zaćvierdžany novy biudžet pražytačnaha minimumu ŭ siarednim na dušu nasielnictva (BPM), jaki z 1 listapada 2014 hoda pa 31 studzienia 2015 hoda ŭ raźliku na miesiac składaje Br1 młn 396 tys. 20. Heta na 3,9% pieravyšaje narmatyŭ, jaki dziejničaŭ z 1 žniŭnia pa 31 kastryčnika 2014 hoda. Adpaviedna, na 3,9% ŭzrastuć pamiery niekatorych vidaŭ dziaržaŭnych dapamoh siemjam, jakija vychoŭvajuć dziaciej.
Tak, adnarazovaja dapamoha pry naradžeńni pieršaha dziciaci (10 BPM) składzie ź listapada biahučaha hoda Br13 młn 960 tys. 200, pry naradžeńni druhoha i nastupnych dziaciej (14 BPM) — Br19 młn 544 tys. 300. Adnarazovaja dapamoha žančynam, jakija stali na ŭlik u dziaržaŭnych arhanizacyjach achovy zdaroŭja da 12-tydniovaha terminu ciažarnaści, składaje Br1 młn 396 tys. (100% BPM).
Štomiesiačnaja dapamoha na dziaciej starejšych za 3 hady z asobnych katehoryj siemjaŭ, jakija vyznačajucca zakanadaŭstvam, na dzicia-invalida (70% BPM) ź listapada składaje Br977 tys. 200, na inšych dziaciej u siamji (50% BPM) — Br698 tys. Štomiesiačnaja dapamoha pa dohladzie dziciaci-invalida va ŭzroście da 18 hadoŭ (100% BPM) składaje Br1 młn 396 tys.; štomiesiačnaja dapamoha na dzicia va ŭzroście da 18 hadoŭ, inficyravanaje VIČ, (70% BPM) — Br977 tys. 200.
Nahadajem, u adpaviednaści z novaj redakcyjaj zakona «Ab dziaržaŭnych dapamohach siemjam, jakija vychoŭvajuć dziaciej» z 1 studzienia 2013 hoda pamier dapamohi pa dohladzie dziciaci va ŭzroście da 3 hadoŭ dyfierencyrujecca ŭ zaležnaści ad kolkaści dziaciej u siamji. Na pieršaje dzicia jon składaje 35 % siaredniamiesiačnaj zarabotnaj płaty rabotnikaŭ respubliki, na druhoje i nastupnych dziaciej — 40%. Dapamoha na dzicia-invalida naznačajecca i vypłačvajecca ŭ pamiery 45% siaredniamiesiačnaj zarabotnaj płaty niezaležna ad čarhovaści naradžeńnia dziaciej u siamji.
Dla raźliku pamieru hetaha vidu dapamohi z 1 listapada 2014 hoda pa 31 studzienia 2015 hoda prymianiajecca pakazčyk siaredniamiesiačnaj zarabotnaj płaty za treci kvartał biahučaha hoda ŭ pamiery Br6 młn 382 tys. 715. Takim čynam, ź listapada pa studzień pamier štomiesiačnaj dapamohi pa dohladzie dziciaci va ŭzroście da 3 hadoŭ składaje na pieršaje dzicia — Br2 młn 233 tys. 950, na druhoje i nastupnych dziaciej — Br2 młn 553 tys. 100, na dzicia-invalida va ŭzroście da 3 hadoŭ — Br2 młn 872 tys. 200.
Hramadzianam, jakija pražyvajuć na terytoryi radyjeaktyŭnaha zabrudžvańnia ŭ zonie nastupnaha adsialeńnia abo z pravam na adsialeńnie, dapamoha pa dohladzie dziciaci va ŭzroście da 3 hadoŭ naznačajecca i vypłačvajecca ŭ pamiery 150 % da ŭstanoŭlenaha zakonam.
Kamientary