U Hrodnie budujuć šmatpaviarchovik, jakomu mohuć pazajzdrościć minčuki
Dom budujuć u novym mikrarajonie «Viasieńni», jaki mieścicca niepadalok ad centra horada, raki Nioman i lesaparka Pyški. Što ŭ im takoha, aproč vyhadnaha miesca?
Dom na 178 kvater u samaj vysokaj častcy budzie mieć 10 pavierchaŭ. Častka apartamientaŭ budzie z terasami, jość i dvuchuzroŭnievyja kvatery. Dom składajecca ź piaci siekcyj — adnoj u siaredzinie i čatyroch pa bakach, — tamu źvierchu jon nahadvaje čatyrochpialostkavuju kvietku.
Samaja maleńkaja kvatera ŭ domie maje płošču 39 kvadratnych mietraŭ, a samaja vialikaja — 132 mietry. Kvadrat u hetym domie pradajuć pa cenach ad 2900 da 3900 rubloŭ, što kala $1000—1350 pa ciapierašnim kursie.
Samaja tannaja kvatera (39 m²) abydziecca ŭ 152 tysiačy rubloŭ (kala 52 500 dalaraŭ). A samaja darahaja (116 m²) — u 491 tysiaču rubloŭ (kala 145 000 dalaraŭ).
Asnoŭnaja fiška doma — kvatery z terasami i dach, abstalavany pad zonu dla adpačynku.
Kvatery źjavilisia ŭ prodažy tolki 5 lutaha, a ŭžo nazaŭtra častka, u tym liku z terasami, užo była niedastupnaja.
Płaniroŭka kvater. Fota: ghb.by
Choć dla «Hrodnažyłbuda» taki prajekt možna nazvać hłytkom śviežaha pavietra, da sučasnaj elitnaj jeŭrapiejskaj nieruchomaści hety dom jašče niedaciahvaje. Prynamsi praz adsutnaść zakrytaj terytoryi i padziemnaha parkinha. Vakoł doma zamiest zialonaj zony budzie asfalt parkovak.
Adznačym, što kvadrat u hetym domie — jašče nie samy darahi ŭ horadzie ad dziaržaŭnaha zabudoŭščyka «Hrodnažyłbud». Daražejšyja kvatery niadaŭna pradavalisia ŭ novym kvartale pobač z histaryčnym centram. Tam cana mietra ŭ adnapakajoŭkach dasiahała 4500 rubloŭ (kala 1525 dalaraŭ).
Taksama niekalki kvater pa 4500 rubloŭ za kvadrat pradajuć u 19‑paviarchovaj «śviečcy» ŭ tym ža rajonie, što i dom z terasami. Što da šarahovych panelek na ŭskrainie Hrodna, to košt mietra ŭ ich vahajecca ad 2150 da 2500 rubloŭ (kala 740—860 dalaraŭ).
Ceny na kvatery ŭ šerahovaj 9‑paviarchovaj panelcy na ŭskrainie Hrodna. Fota: skrynšot z sajta ghb.by
Pry hetym siaredni košt mietra ŭ abłasnym centry składaje kala 1100 dalaraŭ.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj34
Kamientary