Karala Saudaŭskaj Aravii pachavali ŭ biezymiannaj mahile ŭ Er-Ryjadzie
Z manarcham samaj bahataj isłamskaj krainy raźvitalisia pa ścipłym tradycyjnym abradzie. Cikava, što pachavalnyja praviły biełaruskich tataraŭ-musulman našmat bližejšyja da tradycyj ich suajčyńnikaŭ-chryścijan. Na tatarskich mohiłkach u Iŭi mahiły padpisanyja, adno što zamiest imia pa baćku tatary źmiaščajuć imia maci niabožčyka.
Cieła karala Abdały abmyli i zaharnuli ŭ biełuju tkaninu, jak patrabuje musulmanskaja tradycyja. Spačyvać jon budzie ŭ mahile biez šyldy na zvyčajnych mohiłkach u Er-Ryjadzie.
Dziaržaŭnaja relihija Saudaŭskaj Aravii — vachabizm, sunickaja halina isłama — vučyć, što lubyja vykazvańni žałoby pa niabožčyku heta ŭsio adno jak idałapakłonstva.
U Aravii nie abviaščali žałoby, nie pryspuskali ściahoŭ, kraina žyła zvyčajnym žyćciom. Cieła karala Abdały ŭ miačeć dla rytualnaj cyrymonii dastaviŭ zvyčajny aŭtamabil chutkaj dapamohi. Adno što ŭ bažnicu sabralisia pryncy, relihijnyja lidary, hienierały i miljardery.
Karol Abdała ŭvohule vyłučaŭsia asabistaj ścipłaściu — jon adpačyvaŭ u šatry ŭ pustyni, a nie ŭ šykoŭnych karaleŭskich pałacach na bierazie Mižziemnaha mora. Ale što da pachavańnia, to heta strohaja tradycyja: jahonych bratoŭ, papiarednich manarchaŭ, taksama chavali ŭ biezymiannych mahiłach na mohiłkach El-Aud.
Novy karalom Saudaŭskaj Aravii, najbolšaha eksparciora nafty ŭ śviecie, staŭ karol Sałman — jašče adzin syn zasnavalnika hetaj krainy karala Sauda. Ličycca, što Sałmanu 79 hadoŭ, ale dakładny ŭzrost jaho nieviadomy. Usiaho ŭ Sauda było bolš za 30 synoŭ ad roznych žonak.
Pry ŭstupleńni na pasad novy karol pryznačaje sabie spadkajemcu. Sałman staŭ pieršym, chto vybraŭ prynca z dynastyi Saudaŭ treciaha pakaleńnia. Spadčyńnikam trona staŭ jahony plamieńnik, 55-hadovy prync Najef, były kiraŭnik saudaŭskich śpiecsłužbaŭ, a ciapier ministr unutranych spravaŭ, nieprymirymy zmahar z «Al-Kajdaj», jaki pieražyŭ zamach terarysta-śmiarotnika na svajo žyćcio.
Cikava, što pachavalnyja praviły biełaruskich tataraŭ-musulman našmat bližejšyja da tradycyj ich suajčyńnikaŭ-chryścijan. Na tatarskich mohiłkach u Iŭi mahiły padpisanyja, adno što zamiest imia pa baćku tatary źmiaščajuć imia maci niabožčyka.
Ciapier čytajuć
«Lipa va ŭsich sensach». Voś jak buduć vyhladać drevy ŭ vazonach na hałoŭnym minskim praśpiekcie. Błohiery atrymali zadańnie imi zachaplacca2
Kamientary