Samym bahatym čałaviekam u śviecie ŭ 2015 hodzie pa viersii Forbes u čarhovy raz staŭ suzasnavalnik Microsoft Bił Hiejts. Takija dadzienyja pradstaŭlenyja ŭ štohadovym rejtynhu vydańnia, paviedamlajućjinfarmahienctvy.
Bahaćcie Biła Hiejtsa aceńvajecca ŭ $79,3 młrd.
Druhoje miesca ŭ rejtynhu zaniaŭ mieksikanski miljarder Karłas Ślim z $76,4 młrd. Treci radok dastaŭsia inviestaru, zasnavalniku Berkshire Hathaway Uorenu Bafietu z $72,3 młrd.
Asnoŭny ŭładalnik kampanii Inditex (brendy Zara, Massimo Dutti i inš.) Amansijo Arteha pieramiaściŭsia z treciaha na čaćviortaje miesca. Majomaść ispanca Forbes acaniŭ u $64,5 młrd. Zasnavalnik Oracle Łary Elisan zamykaje śpis piaci samych bahatych ludziej śvietu z $54,3 młrd.
Usiaho ŭ śpis amierykanskaha Forbes ŭ 2015 hodzie ŭvachodziać 1826 čałaviek. Ich sukupnaje bahaćcie — $7,05 trłn, na $600 młrd bolš, čym hodam raniej. Siaredniaje bahaćcie ŭdzielnika rejtynhu-2015 — $3,86 młrd, na $60 młn mienš, čym u 2014 hodzie.
U rejtynhu — 197 žančyn. Samaj bahataj žančynaj u 2015 hodzie nazvana 60-hadovaja suŭładalnica sietki kram Wal-Mart Kryści Uołtan, jaje bahaćcie aceńvajecca ŭ $41,7 młr. Kryści Uołtan zajmaje vośmaje miesca ŭ ahulnym rejtynhu.
Samym maładym členam rejtynhu staŭ 24-hadovy suzasnavalnik miesendžara Snapchat Evan Špihiel (1250 miesca, $1,5 młrd). Najstarejšamu členu śpisu — 99 hadoŭ. Heta Devid Rakfieler-starejšy, jaki zajmaje 603 miesca z $3 młrd.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary