Taćciana Zareckaja źbirałasia vystupać na bujnoj kanfierencyi ŭ Saudaŭskaj Aravii, a paśla źnikła z raskładu
Pry hetym zapeŭnivaje, što biare ŭdzieł u kanfierencyi.
Adna z najbujniejšych technałahičnych kanfierencyj śvietu LEAP 2026 prachodzić z 31 žniŭnia pa 3 vieraśnia ŭ Saudaŭskaj Aravii, u vystavačnym centry ŭ Małchamie niepadalok ad Er-Ryjada. Na sajcie mierapryjemstva zajaŭleny bolš za tysiaču śpikieraŭ, 1800 technałahičnych brendaŭ i kala 200 tysiač udzielnikaŭ.
Zareckaja była pradstaŭlenaja tam jak zasnavalnica i hienieralnaja partniorka vienčurnaha fondu Terra Cognita Ventures. Jana pavinna była vystupić u dźviuch inviestycyjnych siesijach.
Pieršaja — «Capital Meets Climate: Scaling the Energy Transition» — była pryznačanaja na 31 žniŭnia. Inviestary mieli abmierkavać, u jakija klimatyčnyja technałohii siońnia iduć hrošy i jak Saudaŭskaja Aravija moža stać placoŭkaj dla raźvićcia takich prajektaŭ.
Druhaja siesija, «LP-GP Quickfire», pavinna prajści 1 vieraśnia. Na joj kiraŭnikam vienčurnych fondaŭ daduć pa piać chvilin, kab pradstavić svaju inviestycyjnuju stratehiju.
Zareckaja pieršapačatkova sapraŭdy była ŭ prahramie. Jaje piersanalnaja staronka dahetul zachavałasia ŭ pošukavaj vydačy, dzie jana paznačanaja jak śpikierka LEAP i pradstaŭnica Terra Cognita Ventures. Pošukavik taksama zachavaŭ zhadki pra jaje ŭdzieł u abiedźviuch siesijach.
Ciapier piersanalnaja staronka Zareckaj na kanfierencyi vydaje pamyłku 404. A ŭ dyskusii pra klimatyčnyja inviestycyi zajaŭlenyja tolki čatyry ŭdzielniki, jaje imia adsutničaje. Niama Zareckaj i ŭ abnoŭlenym składzie LP-GP Quickfire.
Biełaruskaja aktyvistka na Kipry Alesia Parchomienka raskazała ŭ fejsbuku, što hetamu papiaredničaŭ zvarot biełarusaŭ da arhanizataraŭ kanfierencyi. Paśla hetaha imia Zareckaj źnikła z raskładu.
«Naša Niva» źviarnułasia pa kamientar da samoj Zareckaj.
«Kali vy pra LEAP, to ja tut i biaru ŭdzieł. Inšych kanfierencyj u mianie nie zapłanavana», — adkazała jana.
My ŭdakładnili, čamu jaje imia źnikła z sajta, ci budzie jana ŭsio ž vystupać abo tolki prysutničaje na mierapryjemstvie jak naviednica. Na hetyja pytańni Zareckaja nie adkazała.
U 2022 hodzie Taćciana Zareckaja mienš za dva miesiacy była pradstaŭnicaj Abjadnanaha pierachodnaha kabinieta pa finansach i ekanomicy. Jana pakinuła pasadu, patłumačyŭšy heta pahrozami na adras jaje samoj, svajakoŭ, supracoŭnikaŭ i partnioraŭ. Adstaŭka supała z vychadam rasśledavańnia «Našaj Nivy», u jakim byli pastaŭlenyja pad sumnieŭ jaje zajavy pra pośpiechi startapa Laava Tech.
U 2026 hodzie stała viadoma, što Jeŭrapiejskaja prakuratura (European Public Prosecutor's Office (EPPO) jašče ŭ 2024‑m pačała rasśledavańnie mahčymaha machlarstva ź jeŭrapiejskimi subsidyjami, atrymanymi Laava Tech. Prajektu vydzielili kala 2,4 miljona jeŭra na raspracoŭku enierhaefiektyŭnych technałohij dla sielskaj haspadarki.
Pavodle materyjałaŭ spravy, śledstva aceńvaje mahčymuju škodu Jeŭrasajuzu amal na 450 tysiač jeŭra. Brusiel zapatrabavaŭ viarnuć bolš za dva miljony jeŭra hrantavych srodkaŭ. Estonski sud taksama aryštavaŭ hrošy na rachunkach Zareckaj i abmiežavaŭ rasparadžeńnie jaje dolami ŭ kampanijach.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary