Ukraincy źniščyli rasijski stratehičny bambavik na aeradromie ŭ Sarataŭskaj vobłaści
Prezident Ukrainy Uładzimir Zialenski zajaviŭ, što ŭkrainskija vajskoŭcy paškodzili rasijski stratehičny bambavik Tu-95MS na vajskovym aeradromie Enhiels-2 u Sarataŭskaj vobłaści.
Pavodle słoŭ ukrainskaha lidara, udar nanieśli bajcy śpiecpadraździaleńnia SBU «Alfa». Zialenski padziakavaŭ ukrainskim vajskoŭcam za dakładnaść, adznačyŭšy, što mienavita takija samaloty vykarystoŭvajucca dla rakietnych udaraŭ pa Ukrainie.
Ukrainskija manitorynhavyja kanały apublikavali spadarožnikavyja zdymki aeradroma, na jakich, jak śćviardžajecca, bačny Tu-95 z mocna paškodžanym pravym kryłom. Heta ŭžo druhi rasijski Tu-95, jaki staŭ cellu ŭkrainskich atak za apošnija paŭtara miesiaca. U siaredzinie lipienia na hetym ža samym aeradromie ŭ vyniku ataki bieśpiłotnikaŭ byŭ paškodžany jašče adzin bambavik — u jaho była źniščana chvastavaja častka.
Aeradrom Enhiels znachodzicca prykładna za 800 kiłamietraŭ ad ukrainskaj miažy. Tu-95MS naležać da stratehičnaj avijacyi Rasii i vykarystoŭvajucca, u pryvatnaści, dla zapusku kryłatych rakiet Ch-55, dalokaść palotu jakich dasiahaje 3500 kiłamietraŭ. Hetyja samaloty taksama zdolnyja nieści jadziernuju zbroju i źjaŭlajucca adnym z elemientaŭ rasijskaj jadziernaj tryjady.
U rasijskim Enhielsie haryć vajskovaja čaść paśla načnoj ukrainskaj ataki
Zialenski raskazaŭ pra źniščeńnie rasijskaha samalota Tu-95 u Sarataŭskaj vobłaści
Rasijskaja armija źniščyła kala 90% składoŭ handlovych sietak va Ukrainie
U Pieciarburhu ŭčora ŭzarvali vajskoŭca ź viertalotnaha pałka, jaki Ukraina abvinavačvała ŭ vajennych złačynstvach
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»33
Kamientary
Razukomplektovannyj staryj samolet ,koroč mimo,raschodimsia.