Na adkryćci «CECHa» pakažuć fota, što zrabiła nieviduščaja dziaŭčyna
Vystava «Tvar, jaki zajmaje kvietku» pakaža, jak bačyć śviet Natalla Kavalevič.
Na adkryćci prastory «CECH» (vuł. Kastryčnickaja, 16) 14 krasavika projdzie vystava «Tvar, jaki zajmaje kvietku».
Vystava demanstruje žyćcio i tvorčaść Natalli Kavalevič — dziaŭčyny, jakaja nie bačyć ad naradžeńnia, ale zaŭvažaje chiba nie bolš za nas.
Natalla atrymlivaje druhuju vyšejšuju adukacyju na dzionnym adździaleńni jurydyčnaha fakultetu BDU. Dziakujučy mabilnaj prahramie, jakaja analizuje vyjavu i vyvodzić aŭdyjodyskrypcyju, Natalla surjozna zachapiłasia fatahrafijaj.
Ekspazicyja vystavy składajecca ź dźviuch častak. Pieršaja – heta fotapracy Natalli, jakija supravadžajucca akustyčnymi, taktylnymi i niuchalnymi elemientami dy imknucca pieradać adčuvańnie śvietu, u jakim žyvie dziaŭčyna.
Druhaja častka – heta fatahrafii, multymiedyja Nastaśsi Chrałovič, jakija apaviadajuć pra žyćcio Natalli i praces stvareńnia joju zdymkaŭ pry dapamozie mabilnaha telefona i śpiecyjalnaj prahramy.
Parallelnaja prahrama vystavy praduhledžvaje ekskursii z zapluščanymi vačyma pa ekspazicyi prajektu dla dziaciej i darosłych, aŭtarskija majstar-kłasy, dzie ŭdzielniki zmohuć «vyprabavać» na sabie dośvied ślapoha čałavieka, inkluziŭnyja imprezy dla dziaciej, lekcyi pra rolu mabilnych technałohijaŭ u sučasnym žyćci čałavieka.
Pačatak 14 krasavika a 7 viečara. Uvachod — 25 tysiač. Vystava praciahniecca da 14 maja.
Hladzicie taksama: Trymajsia, Nataša! — nieviduščaja dziaŭčyna vučycca na jurfaku BDU
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary