Na vialikim kancercie «Troica» zajhraje falkłornyja siuity z budučaha alboma
27 krasavika ŭ minskim Pałacy kultury imia Šarko vystupić lehiendarnaje etna-trya «Troica». Tradycyjna muzyki pradstaviać słuchačam novyja kampazicyi, jakija hurt rychtuje dla novaha alboma. Naturalna, nie abydziecca i biez chitoŭ.
«U nas nie časta vychodziać dyski, adpaviedna, na kancertach my pakazvajem toje, što ŭvojdzie ŭ novy albom — heta «Car-ahoń», «Miadźviedź». Źjavilisia novyja tvory «Śviataja ziamla», «Jaščar», bałada «A ŭ niadzielku», — raspaviadaje pra prahramu kancerta lidar hurta Ivan Kirčuk. — Pra ich možna šmat raskazvać, ale heta muzyka, i jaje treba słuchać. Bo na siońniašni dzień hetyja kampazicyi bolš nahadvajuć falkłornyja siuity i składajucca ź niekalkich častkach. Budzie šmat muzyki, šmat instrumientaŭ i pieśni ź minułych albomaŭ, jakija razbaviać praciahłyja tvory».
Novy albom «Troicy» składuć 5—7 praciahłych kampazicyj. Praŭda, kali źjavicca novy łonhpłej słavutaha hurtu, pakul nie viadoma. Bo, pryznajecca Ivan Ivanavič, usio ŭpirajecca ŭ hrošy:
«Kali my chočam zrabić pryhožy pa huku albom, treba znoŭ źviartacca da Tomaša Rahuli (polski saŭnd-pradziusar, jaki zapisvaŭ apošni albom «Troicy» «Zimačka», — zaŭv. red.), a tam košty niemałyja. Ale ŭ Minsku my nie zapišam hety albom, heta my viedajem».
Pačatak kancerta ŭ 19.00.
Košt kvitkoŭ — ad 200 da 350 tysiač.
Daviedki pa telefonie: 29 6490888, 29 8517706
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary