Źmicier Vajciuškievič sustreniecca 11 červienia z prychilnikami i presaj u Halerei TUT.BY, kab prezientavać svoj novy albom «Naša pieśnia». Kancertnaja prezientacyja dyska adbyłasia pry poŭnym anšłahu ŭ minułyja vychodnyja ŭ Vilni.
U novy dysk uvajšli 12 piesień na vieršy biełaruskich paetaŭ roznych časoŭ, u tym liku na vieršy Bahdanoviča, Arsieńjevaj, Rusaka i Niaklajeva. Siarod ich i niadaŭna prezientavanaja ŭ siecivie kampazicyja «Žyvie Biełaruś», a taksama novyja viersii piesień «Ja naradziŭsia tut», «Mahutny Boža», «Ściah».
«Ja vydatna razumieju, što ŭ Vilniu pa roznych pryčynach zmahli pryjechać nia ŭsie. Kancret u Minsku pravieści my nie možam, tamu prosta sustreniemsia i pahamonim», – kaža muzyka.
Uvaha! Kolkaść miescaŭ abmiežavanaja!
Uvachod na sustreču biaspłatny, ale tolki pa papiarednim zapisie. Pačatak sustrečy ŭ čaćvier, 11 červienia a 19-j hadzinie. Halereja TUT.BY znachodzicca pa adrasie praśpiekt Dziaržynskaha, 57, 9 pavierch (BC «Amieha Taŭer», st.m. Michałova).
Zajaŭki na ŭdzieł dasyłajcie na adras [email protected] z paznakaju ŭ temie «Vajciuškievič». Zajaŭki prymajucca da 11.00 11 červienia. U adkaz na zajavu vy musicie atrymać list z paćvierdžańniem.
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary