Sibiha paabiacaŭ Cichanoŭskaj, što biespakaranych nie budzie, i padaryŭ archiŭnuju pierapisku UNR i BNR
Ministr zamiežnych spraŭ Ukrainy Andrej Sibiha paśla siońniašniaj sustrečy ŭ Kijevie sa Śviatłanaj Cichanoŭskaj paviedamiŭ pra jaje vyniki ŭ svaim aficyjnym akaŭncie ŭ sacsietcy X i zrabiŭ pry hetym niekalki važnych zajaŭ.
Śviatłanu Cichanoŭskuju Andrej Sibiha nazyvaje «lidarkaj biełaruskich demakratyčnych sił». Pry hetym jon padkreślivaje:
«Ukraina vyrazna adroźnivaje režym Łukašenki, jaki ŭciahnuŭ Biełaruś u rasijskuju vajnu, i biełaruski narod, jaki zasłuhoŭvaje svabody. […]
Hledziačy ŭ budučyniu, my bačym svabodnuju, demakratyčnuju Biełaruś, jakaja dałučycca da Lublinskaha trochkutnika razam z Ukrainaj, Polščaj i Litvoj».
Taksama ukrainski ministr vykazaŭ ad imia Ukrainy hłybokuju ŭdziačnaść biełaruskim dobraachvotnikam, «bolš za 90 ź jakich addali svaje žyćci, zmahajučysia razam z ukraincami suprać rasijskaha impieryjalizmu».
«Biespakaranych nie budzie: režym Łukašenki niasie poŭnuju sumiesnuju adkaznaść za ahresiju suprać Ukrainy. My abmierkavali sumiesnyja namahańni pa zbory dokazaŭ dla Śpiecyjalnaha trybunała ŭ Haazie, a taksama pryciahnieńnie režymu da adkaznaści za złačynstvy suprać ukrainskich dziaciej.
Akramia taho, ja atrymaŭ ad našych biełaruskich haściej novy pakiet sankcyjnych prapanoŭ, jakija źbirajusia vynieści na ŭzrovień ES.
Našy nacyi taksama aktyvizujuć supracoŭnictva ŭ humanitarnaj i infarmacyjnaj śfierach, uklučajučy sumiesny supraciŭ rusifikacyi i padtrymku biełaruskaj movy», — adznačyŭ Andrej Sibiha.
«Jak kranalny napamin pra našy hłybokija karani, my ŭručyli našym haściam archiŭnyja dypłamatyčnyja dakumienty Ukrainskaj i Biełaruskaj Narodnych Respublik. Hetyja zapisy dakazvajuć, što našy dziaržavy mieli ščylnyja aficyjnyja i čałaviečyja suviazi jašče da Savieckaha Sajuza», — adznačyŭ naprykancy dopisu ministr.
Śviatłana Cichanoŭskaja ŭšanavała ŭ Kijevie pamiać zahinułych hierojaŭ
Biełarus pabačyŭ, što Cichanoŭskaja ŭ Kijevie, i źviarnuŭsia ź niečakanaj prośbaj. Jana paprasiła pastukacca ŭ pryvat
Na Čarnobylskaj AES Śviatłanu Cichanoŭskuju čakaŭ nie tolki ciopły pryjom, ale i niečakana pryhožy stoł
Redakcyja «Hrodzienskaj praŭdy» amal u poŭnym składzie kinułasia ŭ sacsietki kamientavać vizit Cichanoŭskaj u Kijeŭ
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks20
Viktar Łukašenka zaśviaciŭ na pasiadžeńni NAK svoj hadzińnik — ciažki luks
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
vidavočna, što kopii :)
Akramia ŭsiaho, UNR nie pryznavała jurydyčna BNR.