Arhkamitet Šostaha fiestyvalu biełaruskamoŭnaj rekłamy i kamunikacyi AD.NAK! čakaje cikaŭnych i achvočych, prafiesijanałaŭ i amataraŭ na adukacyjnaj prahramie Vialikaha fiestyvalnaha dnia, jaki projdzie 2 lipienia ŭ Mižnarodnym adukacyjnym centry Jochanesa Raŭ (IBB).
Arhanizatary padrychtavali admietnuju i nasyčanuju adukacyjnuju prahramu, u miežach jakoj projduć sieminary, majstar-kłasy i prostyja dyskusii sa znanymi biełaruskimi i zamiežnymi ekśpiertami nie tolki ŭ śfiery rekłamy. U hetym hodzie zamiežnym hościem stanie Paŭlus Sianuta (Paulius Senuta, Litva), zasnavalnik i partnior rekłamnaha ahienctva Not Perfect| YR Minsk, Riga & Vilnius.
Nahadajem, što ŭdzieł u adukacyjnaj prahramie BIASPŁATNY, ale dla taho, kab da jaje dałučycca, treba abaviazkova prajści rehistracyju na sajcie ŭ raździele: «Rehistracyja na adukacyjnuju prahramu».
ADUKACYJNAJA PRAHRAMA
9.30 — 10.30
Darja Łobań, Alaksiej Šklanko, partniory studyi brendynhu On Foot,
Tema: «Drapiežniki rekłamnaha rynku: jak palujuć na zamiežnych klijentaŭ». Bonus: skajp-razmova z zasnavalnikam kampanii Daybuilder Filipam Luintoftam (Kapienhahien, Danija).
10.30 — 11.30
Illa Doŭnar – art-dyrektar, Jaŭhien Hołubieŭ – techničny dyrektar, Interactive brand studio HA (Biełaruś),
Tema: Dobryja rašeńni nie zaŭsiody pracujuć.
10.30 — 12.15
Ludmiła Stručeŭskaja, kiraŭnik hrupy pa kiravańni brendami TAA «Alivaryja»
Tema: «Jak uličyć sučasnyja i pracoŭnyja kamunikacyjnyja trendy pry płanavańni imidžavaj kampanii u Biełarusi».
12.15 — 13.00
Maładyja biełaruskija «Kanskija lvy» zavitajuć na AD.NAK!
Tema: Uražańni i dośvied Cannes Lions 2014
13.00 — 14.00
Viktar Marcinovič, viadomy biełaruski piśmieńnik i žurnalist
Tema biasiedy: «Biełaruski biźnies i kultura: jak pieraadoleć uzajemny ihnor».
14.00 — 15.30
Paulius Senuta (Litva), Chairman, Strategic Planning Director at Not Perfect | Y&R Minsk, Riga & Vilnius
Tema: Planning with value
15.30 — 17.00
Illa Andrejeŭ, kiraŭnik tvorčaj hrupy ahienctva Proximity Russia (Biełaruś-Rasija)
Tema: «100 idej dla Biełarusi. Dzie ich uziać?»
Adrazu paśla sieminaraŭ adbudziecca pres-kanfierencyja arhanizataraŭ i siabraŭ žury Fiestyvalu. A 18-j hadzinie pačniecca ŭračystaja cyrymonija ŭznaharodžańnia pieramožcaŭ.
Nahadajem, što da 22 červienia ŭklučna jašče prymajucca raboty na konkurs ad hienieralnaha partniora Fiestyvalu kampanii velcom pad nazvaj «Łahatyp velcom «Dzieci».
Dadatkovaja infarmacyja: (029) 177-01-21, (029) 755-14-34, je-mail: [email protected].
Kantakty dla daviedak:
Lizavieta Nieŭmiaržyckaja, pres-sakratar HKK «Budźma biełarusami!»
skypename – elzbietka_eilis
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary