Biełaruski archiŭ vusnaj historyi i muziej «Dom Anny Frank» (Amsterdam) zaprašajuć vas paŭdzielničać u pieršym treninhu mižnarodnaha prajekta «Špacyr pa pamiaci» ŭ Minsku.
Kali Vy zadumvalisia nad nastupnymi pytańniami:
- što takoje histaryčnaja pamiać i jak jana źviazana ź indyvidualnaj pamiaćciu?
- jak jana moža realizoŭvacca ŭ pomnikach našaha horada?
- jak tyja ci inšyja histaryčnyja padziei i pryśviečanyja im pomniki źviazany ź siońniašnimi padziejami i ŭpłyvajuć na žyćcio horada?
- jak pieradać svaje razvažańni i nazirańni z dapamohaj videa?
tady dałučajciesia da nas.
Padčas 3-dzionnaha treninhu Vy zmožacie daviedacca mierkavańnie ekśpiertaŭ, svaich kalehaŭ i aznajomicca ź miascovymi pomnikami, daviedacca mierkavańnie minakoŭ pra ich, a taksama stvaryć svoj videarolik, jaki budzie zasnavany na vašych ułasnych daśledavańniach, dumkach i ŭražańniach.
My čakajem udzielnikaŭ va ŭzroście 16—22 hadoŭ, žadajučych atrymać novyja navyki i viedy i zrabić svoj videa-prajekt.
Treninh adbudziecca ŭ Minsku 28—30 žniŭnia 2015.
Dla ŭdziełu ŭ konkursie nieabchodna zapoŭnić ankietu.
Źviartajem uvahu, što termin padačy zajavak padoŭžvajecca da 26 žniŭnia!
Kali ŭ vas jość pytańni, pišycie pa adrasie [email protected]
Memory Walk — inavacyjny, adukacyjny padychod, jaki navučaje moładź krytyčnamu asensavańniu pomnikaŭ i pamiatnych miaścin, jakija ich atačajuć. Udzielnikami hetaha ŭnikalnaha mižnarodnaha prajekta ŭžo stali maładyja ludzi z roznych kutkoŭ Jeŭropy i ZŠA, a ciapier takaja mahčymaść jość i junakoŭ ź Biełarusi.
Prapanujem taksama paznajomicca z prykładami vynikovych videa-prajektaŭ, zroblenych udzielnikami Memory Walk:
Kišynioŭ (Małdova), «Ciahnik bolu».
Kałumbija (ZŠA), «Ściah Kanfiederacyi»
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary