Minabarony Biełarusi padpisała na mižnarodnym avijacyjna-kaśmičnym sałonie MAKS-2015 z «Rasabaronekspartam» kantrakt na pastaŭku ŭ 2016 hodzie piaci zienitna-rakietnych kompleksaŭ «Tor-M2K».
Pra heta paviedamiŭ žurnalistam na MAKS-2015 u aŭtorak hiendyrektar kampanii «Rasabaronekspart» Anatol Isajkin, pieradaje ria.ru.
Zienitny rakietny kompleks małoj dalokaści «Tor-M2» (bazavaja madel) ujaŭlaje saboj novaje pakaleńnie kompleksaŭ siamiejstva ZRK małoj dalokaści «Asa» — «Tor». Jon pryznačany ŭ pieršuju čarhu dla zabieśpiačeńnia supraćpavietranaj abarony motastrałkovych i tankavych bryhad niepasredna na poli boju, u tym liku na maršy.
«Tor-M2» moža źbivać avijacyjnyja rakiety kłasa «pavietra-ziamla», samaloty taktyčnaj i armiejskaj avijacyi, kryłatyja rakiety, viertaloty, bieśpiłotniki. Vytvorcy śćviardžajuć, što «Tor-M2» adroźnivajecca ad pratatypaŭ padvyšanaj efiektyŭnaściu pry adbićci masiravanych nalotaŭ va ŭmovach ahniavoha i radyjoelektronnaha procidziejańnia.
Rasija zastajecca asnoŭnym pastaŭščykom uzbrajeńnia dla biełaruskaj armii, prytym što Rasija zastajecca i adzinaj realnaj pahrozaj niezaležnaści Biełarusi.
Kamientary