Nasupierak dyskryminacyi.
Naradzicca žančynaj u Iranie — nie najlepšy los. U krainie nie vykonvajucca mnohija pravy žančyn, dyskryminacyja zamacavanaja na zakanadaŭčym uzroŭni. Situacyja tolki paharšajecca. Nie samaja značnaja, ale samaja zaŭvažnaja źniešnie prablema žančyn u Iranie heta žorstki dres-kod.
Zakon abaviazvaje iranskich žančyn nasić chidžab. Suprać chidžabaŭ jany pratestujuć u tym liku virtualna. Niadaŭna ŚMI zaŭvažyli instahram punkgirlsir. Davoli zvykłyja vobrazy dla jeŭrapiejcaŭ śmiarotna niebiaśpiečnyja ŭ Iranie.
Za niapravilnaje našeńnie chidžabu fanatyki ablivajuć iranskich žančyn kisłatoj. Aficyjnaje pakarańnie mienš žorstkaje: kali adzieńnie adkryvaje niešta akramia tvaru i ruk — 70 udaraŭ plotkaj ci 60 dzion turmy.
Raniej viadomaj pa ŭsim śviecie stała Facebook-supołka My Stealthy Freedom, dzie iranskija žančyny publikujuć svaje fota ź niepakrytaj hałavoj. Pakazać tvar advažvajucca daloka nie ŭsie. Mahčyma, tyja, chto advažvajucca, užo i nie žyvuć u Iranie.
Dziaŭčyny z punkgirlsir iduć dalej: nie tolki nie pakryvajuć hałavu, ale i apranajucca ŭ takoje, za što na vulicy ich mahli by i zabić.
Zastajecca spadziavacca, što fanatyki i palicyja nie padpišucca na hety akaunt — u adroźnieńnie ad Facebook i Twitter, Instagram u Iranie nie zabłakavany. Pra toje, na jakija instahramy ź Irana varta padpisacca, niadaŭna pisaŭ The Guardian.
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary