Apazicyja Birmy pieramahaje amal va ŭsich akruhach na pieršych svabodnych vybarach
Pavodle papiarednich źviestak, Nacyjanalnaja liha za demakratyju zdabudzie 70% miescaŭ u parłamiencie Birmy. Pieršyja za 25 hadoŭ svabodnyja vybary ŭ Birmie, viadomaj jašče jak Mjanma, adbylisia ŭ niadzielu.
Partyja salidarnaści — anałah biełaruskaj arhanizacyi «Biełaja Ruś» — atrymaje tolki 5% mandataŭ. Ale dyktatura stvaryła takuju kanstytucyju, zhodna ź jakoj atrymaje jašče 25% mandataŭ, zareziervavanych dla armii. Dla źmieny kanstytucyi patrebny 75% + adzin hołas.
Jak miarkujecca, novym premjer-ministram krainy moža stać histaryčny lidar birmanskaj apazicyi, nobieleŭskaja łaŭreatka Aŭnh San Su Čžy.
Apošni raz svabodnyja vybary prachodzili ŭ 1990 hodzie. Nacyjanalnaja liha za demakratyju Aŭnh San Su Čžy pieramahła i tady, ale ŭ adkaz dyktatarskija ŭłady krainy razahnali parłamient i źniavolili Su Čžy.
Dyktatura daviała krainu da krajniaj halečy. Birma adstała ŭ raźvićci ad susiednich Tajłanda i Małajzii, choć maje vialikija pryrodnyja resursy.
Aŭnh San Su Čžy (łaciničnaje napisańnie jaje imieni Aung San Suu Kyi) — dačka zabitaha putčystami pieršaha prezidenta krainy i lidar ruchu za hramadzianskaja pravy.
Dyktaturu ŭ krainie ažyćciaŭlajucć vajskoŭcy, jana doŭžycca ŭžo bolš za 50 hadoŭ. Jany pryniali takuju kanstytucyju, zhodna ź jakoj prezidentam krainy nie moža stać toj, u kaho jość blizkija svajaki hramadzianie inšych dziaržaŭ. A ŭ 70-hadovaj Su Čžy niabožčyk muž byŭ brytancam, a dzieci žyvuć u Kanadzie.
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku60
Kamientary