Papa Leŭ XIV dvojčy telefanavaŭ u bank, jamu nie vieryli i kłali słuchaŭku
Supracoŭnica banka navat zapatrabavała asabista pryjechać z Vatykana ŭ ZŠA.
Praz dva miesiacy paśla abrańnia Papam Lvom XIV, uradženiec ZŠA kardynał Robiert Frensis Prevost patelefanavaŭ u svoj amierykanski bank, kab abnavić kantaktnyja źviestki.
Tłumačačy niemahčymaść źjavicca ŭ bank asabista, pantyfik ščyra pradstaviŭsia Papam, paśla čaho supracoŭnik słužby padtrymki pakłaŭ trubku, raspavioŭ blizki siabar papy ajciec Tom Makkarci na sustrečy z katalikami ŭ Ilinojsie, dzie ŭ svoj čas pracavaŭ tahačasny kardynał Prevost, piša The New York Times.
Pavodle słoŭ ajca Makkarci, novy Papa pradstaviŭsia svaim śvieckim imiem i paprasiŭ źmianić numar telefona i adras u bankaŭskich dakumientach.
Jon adkazaŭ na ŭsie kantrolnyja pytańni, ale supracoŭnica banka zajaviła, što hetaha niedastatkova, i zapatrabavała asabistaha vizitu ŭ adździaleńnie.
«Jon skazaŭ: «Nu, ja nie zmahu hetaha zrabić. Ja ž adkazaŭ na ŭsie pytańni biaśpieki»», — pieradaŭ Makarci słovy pantyfika, čym vyklikaŭ śmiech u prysutnych.
Supracoŭnica paprasiła prabačeńnia, i tady papa zrabiŭ jašče adnu sprobu: «Vam było b važna, kali b ja skazaŭ, što ja papa Leŭ?» — spytaŭ jon. Paśla hetaha supracoŭnica padtrymki pakłała słuchaŭku.
U Vatykanie nie adrazu adkazali na zapyt NYT nakont kamientara da incydentu. Adnak ajciec Makarci paćvierdziŭ u elektronnym liście, što historyja pra bankaŭskija prablemy pantyfika praŭdzivaja.
Pavodle jaho słoŭ, situacyju ŭdałosia ŭrehulavać praź inšaha śviatara, znajomaha z prezidentam banka.
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii11
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1111
Kamientary
stolko słožnostiej, kotoryje rabotajut na samom diele nie na zaŝitu klijenta, a na prikrytije zadnic bankstierov. za dieńhi klijentov.
jeśli klijent otvietił na vsie kodovyje voprosy, to nie dołžno byť nikakoho "etoho niedostatočno". a začiem oni tohda voobŝie nužny eti kodovyje voprosy?