Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia
Raskazvajem pra samych viadomych udzielnikaŭ hulni.
Na praciahu minułaha tydnia ŭ polskich Tatrach bolš za 60 biełaruskich palitykaŭ, hramadskich dziejačaŭ, biznesmienaŭ, aktyvistaŭ sabralisia na arhanizacyjna-dziejnasnuju hulniu, inicyjavanuju mietadołaham Uładzimiram Mackievičam.
Chto ž byŭ siarod udzielnikaŭ?
Ofis Śviatłany Cichanoŭskaj aficyjna pradstaŭleny nie byŭ — ni Śviatłana Cichanoŭskaja, ni Franak Viačorka, ni chtości inšy nie pryjechaŭ.
Cichanoŭskaja dasłała 21‑chvilinnaje videavitańnie, u jakim akreśliła šeść prablem dla abmierkavańnia.
Pa słovach Mackieviča, najbolš zaŭvažnaj fihuraj ź ludziej, źviazanych z Ofisam Cichanoŭskaj, byŭ sacyjołah Hienadź Koršunaŭ.
Nie pryjechaŭ taksama Pavieł Łatuška, nie było i Siarhieja Cichanoŭskaha.
«Lepš za ŭsio była pradstaŭlena frakcyja babarykancaŭ. U mianie skłałasia ŭražańnie, što jany pryjechali ŭ poŭnym składzie i byli vielmi aktyŭnyja», — raskazaŭ Mikoła Dziadok.
Hulała Maryja Kaleśnikava i Viktar Babaryka. Praŭda, jany adjazdžali na dzień na Kipr — tam śviet biełaruskaha hramadstva adznačaŭ dzień naradžeńnia Uładzimira Ceślera. Da śviatkavańniaŭ na vostravie dałučyłasia i Śviatłana Cichanoŭskaja.
Chto jašče byŭ na «hulni Mackieviča»? U sacsietkach paviedamlali pra svoj udzieł Alaksandr Knyrovič, Mikoła Dziadok, Ivan Kraŭcoŭ, Anton Radniankoŭ, Nastaśsia Kaściuhova, Andrej Jahoraŭ, Pavieł Śviardłoŭ, Śviatłana Mackievič.
-
Homielskaha pradprymalnika pryznali darmajedam, kali jon kvartał spracavaŭ biez prybytku
-
«Ja paprasiła svaju siastru razdrukavać fotazdymki z majho akaŭnta i prysłać mnie ŭ kałoniju». Łarysa Ščyrakova raskazvaje pra fotasiesii ŭ etnastyli
-
U Biełarusi zapracavaŭ miedpartał. Zaraz źviestki svajoj miedycynskaj karty možna prahladać anłajn
Kamientary